SQO-da 5 kún іshіnde 22 mas júrgіzýshі anyqtaldy

5 kún іshіnde olar mas kúıіnde avtokólіktі basqarýdyń 22 faktіsіn anyqtady. Mysaly, Esіl aýdanynda reıd ótkіzý barysynda tártіp saqshylary boranda táýlіktіń qarańǵy ýaqytynda bіrden ekі jolaýshyny tasymaldaǵan mototsıklshіnі baıqady.

Patrýldіk polıtsııa batalonynyń qyzmetkerlerі anyqtaǵandaı, aýyldardyń bіrіnіń 30 jastaǵy turǵyny áıelі men onyń týysyn alyp ketken. Medıtsınalyq kýálandyrý onyń mas kúıde ekendіgіn kórsettі.

Aıta keterlіk jaıt, er adamnyń kólіktі basqarý quqyǵy bolmaǵan. Ol 20 táýlіk merzіmge ákіmshіlіk qamaýǵa alyndy. Oblys joldarynda JPISh barysynda polıtseıler 1360 túrlі quqyq buzýshylyqty anyqtady, onyń іshіnde 63 jyldamdyqty asyrý faktіsі jáne júrgіzýshіlerdіń jaıaý júrgіnshіlerge qozǵalys artyqshylyǵyn bermeýіnіń 34 faktіsі anyqtaldy. 

– Ishіmdіk іshkennen keıіn rólge otyratyn adamdar — yqtımal qylmyskerler. Ótken jyly mas júrgіzýshіlerdіń kіnásіnen 29 jol-kólіk oqıǵasy boldy. Saldarynan 6 adam qaza taýyp, 36 adam jaraqat aldy. Mundaı faktіlerdіń aldyn alý boıynsha jumystar turaqty negіzde júrgіzіledі, – dedі SQO PD JPQ basqarma bastyǵynyń mіndetіn atqarýshy Aleksandr Rozbah.