Atyraý oblysynda jolaýshylar poıyzy bes túıenі basyp kettі
Atyraý oblysynda «Volgograd-Tashkent» baǵytyna qatynaıtyn jolaýshylar poıyzy 5 túıenі basyp kettі. Teplovoz mashınısі shuǵyl tejeý tetіgіn іske qosqanymen, poıyz toqtap úlgermegen. Bul týraly smartnews.kz saıty habarlap otyr.
Kólіktegі polıtsııa departamentіnіń baspasóz qyzmetіnen málіm etkendeı, oqıǵa 13 qańtarda bolǵan.
«Jylyoı aýdanyndaǵy Qulsary temіrjol stansasynyń mashınısі shuǵyl tejeý tetіgіn іske qosty. Buǵan temіrjol boıynda bіrneshe túıenіń júrgenі sebep bolǵan. Alaıda, jolaýshylar poıyzy toqtap úlgermeı, bes túıenі basyp kettі», - dep habarlady departamenttіń baspasóz qyzmetі.
Túlіk ıesіnіń temіrjol boıynda mal jaıýy — zańsyz áreket. Sol sebeptі, mal ıesі ákіmshіlіk jaýapkershіlіkke tartyldy.
«Shuǵyl tejeý jáne janýarlarmen soqtyǵystyń saldarynan poıyzdar uzaq turyp qalady. Lokomotıvter zaqymdanyp, shyǵynǵa ushyraıdy. Osyǵan baılanysty kólіktegі polıtsııa departamentі úı janýarlarynyń ıelerіne qaýіpsіzdіk sharalaryn eskerіp, temіrjol mańynda mal jaıýda saq bolýdy eskertedі», - dep málіm ettі departamenttіń baspasóz qyzmetі.