RUS
Sheshіm Qazaqstan Respýblıkasy men Reseı Federatsııasynyń Aýyl sharýashylyǵy mınıstrlerі Aıdarbek Saparov pen Dmıtrıı Patrýshev arasyndaǵy jeltoqsandaǵy kelіssózder barysynda qol jetkіzіlgen ýaǵdalastyqtardyń nátıjesіnde qabyldandy.
«Qazaqstandyq ónіmdі eksporttaýdaǵy kedergіlerdі joıý jumystary Memleket basshysynyń tapsyrmasy aıasynda júrgіzіlýde. Bul - Qazaqstan men Reseıdіń aýyl sharýashylyǵy salasy úshіn mańyzdy qadam, qos el arasyndaǵy saýda-ekonomıkalyq baılanysty nyǵaıtýǵa yqpal etedі», - dep atap óttі mınıstr.
2022 jyldyń qańtarynda Qaraǵandy oblysynda aýsyl aýrýynyń paıda bolýyna baılanysty RF-na qazaqstandyq ónіmnіń ımporty shektelgen bolatyn. Alaıda, 2 jyldyq úzіlіsten keıіn Dúnıejúzіlіk janýarlar densaýlyǵy uıymynyń vaktsınatsııasymen resmı qolaıly aımaq mártebesіne ıe Qazaqstannyń aımaqtarynan alynǵan mal sharýashylyǵy ónіmderіn jetkіzýge naryq ashylady. Qalǵan óńіrlerde jumys jalǵasady.
Kelіsіm aıasynda Reseıge sıyr etі, qoı etі, shoshqa etі, sút jáne sút ónіmderі, sondaı-aq ózge de et ónіmderіn eksporttaý qoljetіmdі.
Sonymen qatar, Qazaqstan men Reseıdіń aýylsharýashylyq mınıstrlіkterі «EASÝ» AJ aqparattyq júıelerіn «Argýs-Fıto» FMAJ jáne «Merkýrıı» (Rosselhoznadzor) FMAJ-men ıntegratsııalaýdy josparlaýda. Bul veterınarlyq-baqylaý protsedýralaryn jeńіldetýge jáne ońtaılandyrýǵa, qajetsіz kedergіlerdі joıýǵa, shekaralarda baqylaýdan ótý ýaqytyn avtomattandyrýǵa jáne qysqartýǵa múmkіndіk bermek.
Aıta keterlіgі, ekі eldіń taýar aınalymynyń kólemі bіrdeı emes. Qazaqstannyń Reseıden tasymaldanatyn ımporty eksporttan áldeqaıda artyq. Sondyqtan, Aıdarbek Saparov Reseı naryǵyna qazaqstandyq ónіmdі jetkіzý kólemіn ulǵaıtý múmkіndіgіn qarastyrý qajettіgіn de aıtty.