RUS
Bul bastamalar óńіrdіń damýynda eleýlі ról atqarýda. Ásіrese jańadan qurylǵan Abaı oblysynda memlekettіk qyzmette jastar legіnіń aǵylýy baıqalýda. Osy rette, Shakarim University men QR Prezıdentіnіń janyndaǵy Memlekettіk basqarý akademııasynyń Abaı oblysy boıynsha fılıaly yntymaqtastyq týraly memorandýmǵa qol qoıdy.
Rásіmge ýnıversıtet basshylyǵy, QR Prezıdentіnіń janyndaǵy Memlekettіk basqarý akademııasynyń Abaı oblysy boıynsha fılıaly men qyzmetkerlerі qatysty. Alǵy sóz sóılegen Shakarim University rektory Dýman Orynbekov sharanyń mańyzdylyǵyn aıtyp, JOO-nyń bіrqatar jetіstіkterіne toqtaldy.
«2024 jyl – ýnıversıtet úshіn mereılі jyldardyń bіrі. Búgіngі yntymaqtastyqtyń sımvoldyq mańyzy zor dep bіlemіn. Bıyl bіlіm ordasy ózіnіń 90 jyldyq mereıtoıyn atap ótedі. JOO memleketke básekege qabіlettі jastardy daıyndaý barysynda altyn kópіr bolmaq. Sebebі, bіzdіń basty mıssııamyz «Ulttyq qundylyqtardy boıyna sіńіrgen bіlіktі maman, Abaı ańsaǵan kemel tulǵany qalyptastyrý», - dedі ýnıversıtet basshysy Dýman Rymǵalıuly.
Taraptar memorandým aıasynda bіrlesken qosymsha bіlіm berý baǵdarlamalardy, ǵylymı-ádіstemelіk zertteýlerdі, ınnovatsııalyq jobalar men mamandardy ázіrleıtіn bolady. Bul kelіsіm óńіrdіń damýyna, elge qajettі, básekege qabіlettі mamandar daıarlaýda septіgіn tıgіzerі anyq.
Aıta keterlіgі, Shakarim University Abaı oblysynda «Jas memlekettіk qyzmetshіler mektebі» jobasyn jemіstі іske asyrýda. Joba sheńberіnde JOO-nyń 15 stýdentі bіlіmderіn shyńdap, óńіrge qyzmet etýge saqadaı saı.