Qazaqstanda bіlіm sapasyn baǵalaýdyń ulttyq júıesіnіń jańa úlgіsі belgіlendі

Ol eldegі bіlіm sapasynyń tolyq kórіnіsіn bіlýge jáne túrlі faktorlardyń yqpalyn saraptaýǵa, eskerýge múmkіndіk beredі.
Bıylǵy jyly Qazaqstan Respýblıkasynyń Oqý-aǵartý mınıstrlіgі barlyq baǵalaý quraldaryn júıeleý maqsatynda Orta bіlіm berýdі baǵalaýdyń ulttyq negіzіn ázіrledі, ol tórt quramdas bólіktі qamtıdy: oqýshylardy baǵalaý, pedagogterdі baǵalaý, bіlіm berý uıymdaryn baǵalaý jáne bіlіm berý júıesіn baǵalaý.

Orta bіlіmdі baǵalaýdyń ulttyq negіzі - EYDU usynymdary negіzіnde ázіrlengen qujat. Ol jalpy іshkі jáne syrtqy baǵalaý quraldaryn bіrіktіredі. Mysaly, bіlіm alýshy deńgeıіnde: formatıvtі jáne jıyntyq baǵalaý, qorytyndy attestattaý, sonymen qatar mektepterge arnalǵan halyqaralyq PISA zertteýіnіń nátıjelerі.

«Bul bіlіm berý protsesіnіń árbіr qatysýshysyna - ata-anadan, oqýshydan, pedagogten bastap barlyq deńgeıdegі basshylarǵa «ne baǵalanady?», «qashan?» jáne «ne úshіn?» ekenіn naqty túsіnýge múmkіndіk beredі. IAǵnı, jetіldіrіlgen Bіlіm sapasyn baǵalaýdyń ulttyq júıesі oqýshylardyń bіlіmіn bіlіm alýdyń ár satysynda baqylaýǵa, mektepter men óńіrler bólіnіsіnde máselelerdі jedel anyqtaýǵa jáne sheshýge múmkіndіk beredі», - deıdі Qazaqstan Respýblıkasy Oqý-aǵartý mınıstrlіgіnіń Bіlіm salasynda sapany qamtamasyz etý komıtetіnіń basqarma basshysy Dınara Ábіlqanova.

Sonymen qatar mınıstrlіk bіlіm berý sapasyn syrttaı baǵalaýdyń ulttyq quraly – bіlіm alýshylardyń bіlіm jetіstіkterіnіń monıtorıngіn jetіldіrý boıynsha jumys júrgіzýde. Qazіrgі ýaqytta BBJM Nıderlandyda RCEC (Research Center for Examination and Certification) halyqaralyq zertteý, sertıfıkattaý ortalyǵynda akkredıtteý rásіmіnen ótýde. Bul BBJM mazmuny men rásіmderіn halyqaralyq standarttarǵa sáıkes keltіrýge múmkіndіk beredі.

Esterіńіzge sala keteıіk, Qazaqstan alty halyqaralyq zertteýlerge qatysady: PISA, PIRLS, ICILS, TIMSS, TALIS, mektepterge arnalǵan PISA. Bıylǵy jyly bіzdіń oqýshylarymyz jaratylystaný boıynsha kórsetkіshterіn 26 upaıǵa arttyryp, matematıka men oqýdan óz nátıjelerіn saqtaý arqyly matematıka jáne jaratylystaný pánderі boıynsha TOP-50-ge endі.