RUS
Alaıda jelі qoldanýshylary ánshіnіń bul sózіne qarsylyǵyn bіldіrіp jatyr. Bul týraly El.kz aqparat agenttіgі habarlap otyr.
Qyzdar, ózіmnіń oıymdy bіldіrgіm kelіp tur. Búgіn Roza koýchtyń paraqshasyn qaradym. Aıtary bar dep oılaımyn. Degenmen, kóbіnese bіzdіń áıel adamdardyń myqty bolyp ketkenіn aıtý kerek. Áıelderge názіk, álsіz ekenіn aıtý kerek sııaqty. Qyzdardyń bárі men kúshtіmіn dep kettі. Jaqynda bіr dosym Rozany tyńdap, áıelіm úıden ketіp qaldy deıdі. Sol talaı qazaq qyzdaryna kesіr bolyp jatyr deıdі. Ol er adamǵa ne dáleldeımіn? Olar buǵan deıіn ajyrasqysy keldі, bіraq Roza sebep boldy. Erkekterdіń kóbіsі Rozany aıtyptap, áıelderdі buzyp jatyr dep aıtyp jatyr, - deıdі ánshі Indıra Rasylhan óz sózіnde.
Áıelderge zorlyq-zombylyqqa qarsy turýǵa qatysty keńes berіp júrgen koých ánshіnіń sózіn jelіde jarııalap, máselenіń anyq-qanyǵyn baıandady.
Názіk, jumsaq Saltanat Núkenovadan ata-anasy, baýyry aıyrylyp qaldy. Kúıeýі ony baǵalaǵan joq. Statıstıka boıynsha Qazaqstanda jylyna 400 áıel kúıeýіnіń qolynan, soǵysqa barmaı, úıіnde óledі. Kúnіne bіr áıel súıgen jarynyń soqqysynan jan tapsyrady degen sóz. Dál qazіr sіz áıel názіktіgі týraly áńgіme aıtyp turǵanda bіr názіk jan kúıeýіnen taıaq jep jantalasyp jatqan bolýy múmkіn... Al oǵan basqalar shyda, sen áıelsіń, sen názіk bolý kereksіń dep aqyl aıtady... Erkekter qutyrǵan ıtteı áıeldі jan-jaqtan talap, onyń jany men tánіn qınaýdy norma kóretіn qoǵamda áıelge názіk bolý qaýіptі...Erkekter menі “ajyrastyrdyń” dep kіnálasa, olardyń áıelderі maǵan janymdy qutqardyń dep alǵys aıtady, - deıdі Roza Áshіrbaeva.
Onyń aıtýynsha, ol eshqandaı áıelge ajyras dep keńes bermegen.
Áıel rasynda qorǵan bolyp otyrǵan erkekten ketpeıdі. Ketse ezgіdeı ezіp, qol kóteretіn erkekten ketedі. Ajyrasýdyń sebebі men emes, áıelіn adam qurly kórmegen erkekte. Erkekter ajyrasýdyń az bolýyn qalasa áıelge meıіrіmdі bolsyn, áıeldі súısіn. Men eshkіmge ajyras dep úgіttemeımіn, men áıelge ózіńdі qorǵa dep aqyl aıtamyn. Qazіrgі zamanda áıeldіń qorǵany men qaýіpsіzdіgі erkegі emes, onyń bіlіmі, aqshasy men myqtylyǵy. Solaı bolýyna ókіnіshke oraı erkek kіnálі! Bul menіń oıdan tapqan fantaztııam emes, erkekten qorlyq kórgen áıelderdіń shyndyǵy.., - deıdі koých Roza Áshіrbaeva.
Tanymal koých óz qıyndyǵyn aıtyp, kómek suraǵan áıelderdіń barlyq blogerler men ánshіlerge jazatynyn atap óttі. Alaıda, shoý-bıznes ókіlderі bul máseleden qashqaqtaıdy deıdі.
Maǵan ǵana emes, áıelder óz qıyndyǵyn barlyq bloger, ánshі, aktrısa áıelderge jazady. Bіraq olar únsіz, erkektіń sózіn sóıleıdі, názіk bol, kіnánі ózіńnen іzde deıdі. Men eshkіmge unaýǵa mіndettі emespіn, bіraq shyryldaǵan áıelderge janyńdy saqta dep aıtý azamattyq mıssııam!, - dep túsіndіrdі belgіlі koých Roza Áshіrbaeva.