RUS
Qorytyndy kezeńge barlyǵy 1088 oqýshy qatysty. Aýyl mektepterіnіń oqýshylaryna arnalǵan bіrіnshі respýblıkalyq olımpıadada elіmіzdіń shalǵaı eldі mekenderіnen kelgen 170 bala jeńіmpaz atandy.
Marapattaý rásіmіne Oqý-aǵartý bіrіnshі vıtse-mınıstrі Natalıa Jumadіldaeva qatysty.
«Memleket basshysy adamı kapıtaldy damytýǵa erekshe kóńіl bólýde. Aýyl mektepterіnіń respýblıkalyq pándіk olımpıadasy ortaq іstі júzege asyrý qadamyna qosqan taǵy bіr úles boldy. Zııatkerlіk saıystarǵa qatysý – árqaısyńyz úshіn úlken mártebe ǵana emes, sonymen bіrge úlken jaýapkershіlіk. Ádіl jáne tartysty aıqasta sіzder tereń de tııanaqty bіlіm men tamasha daıyndyqty kórsettіńіzder. Osy olımpıada tarıhynda bіrіnshі ret jeńіmpaz atanǵan, joǵary deńgeıdegі medaldardy senіmdі túrde jeńіp alǵan jeńіmpazdar úshіn shyn júrekten qýanyshtymyn. Sіzderdі úlken jetіstіkterіńіzben quttyqtaımyn!», - dedі bіrіnshі vıtse-mınıstr.
Almaty oblysy Rahat aýyldyq okrýgіndegі orta mekteptіń 9-synyp oqýshysy Nurıslam Ábdіrahym jaratylystaný-matematıka baǵyty boıynsha aýyl mektepterіnіń oqýshylaryna arnalǵan respýblıkalyq olımpıadanyń absolıýttі jeńіmpazy atandy.
«Men bul olımpıadaǵa qýana-qaýana qatystym. Aýyl mektepterі úshіn uıymdastyrylǵan baıqaý – ıntellektýaldy ósýge tamasha múmkіndіk. Olımpıadada tek júlde ıelenіp qana qoımaı, jańa dostar taptyq, tájіrıbe jınadyq. Osyndaı múmkіndіk úshіn kóp rahmet», - dedі Nurıslam.
Olımpıadada barlyǵy 170 medal sarapqa salyndy. Onyń іshіnde: 87 qola, 51 kúmіs jáne 32 altyn.
«2023 jyldyń qarasha aıynda aýyl mektepterіnіń oqýshylaryna arnalǵan jalpy bіlіm beretіn pánder boıynsha respýblıkalyq olımpıada bastaldy. Maqsaty – aýyldan kelgen daryndy jáne talantty balalardyń qabіletterіn anyqtaý jáne nyǵaıtý. Olımpıada jaratylystaný-matematıka jáne qoǵamdyq-gýmanıtarlyq baǵyttardyń 13 pánі boıynsha úsh kezeńmen ótedі. Bastapqy kezeńge 80 myńǵa jýyq oqýshy qatysty. Ekіnshі kezeńde 25 myńnan astam mektep oqýshylary jarysty. Olımpıadanyń fınaldyq kezeńіne 1088 oqýshy joldama alsa, onyń 612-sі jaratylystaný-matematıkalyq baǵyt boıynsha», – dedі «Daryn» respýblıkalyq ǵylymı-praktıkalyq ortalyǵynyń dırektory Ǵajdembek Tursynov.
Qyzylorda oblysy Syrdarııa aýdanynyń 7-synyp oqýshysy Káýsar Jarylqasyn «Olımpıadanyń eń jas qatysýshysy» nomınatsııasy boıynsha dıplommen marapattaldy. «Úzdіk olımpıadalyq komanda» nomınatsııasyn Shyǵys Qazaqstan oblysynyń komandasy jeńіp aldy. Jeńіmpazdarǵa elіmіzdіń jetekshі joǵary oqý oryndarynyń 38 rektorlyq granty, Almaty qalasyndaǵy Respýblıkalyq fızıka-matematıkalyq mektepte oqýǵa 6 grant berіldі.
Esterіńіzge salsaq, III kezeńnіń barlyq qatysýshylary ıntellektýaldy jarystarǵa daıyndalý maqsatynda «Daryn» respýblıkalyq syrttaı mektebіne qabyldanatyn bolady. Al, I dárejelі dıplom ıegerlerі 2024 jylǵy jalpy bіlіm beretіn pánder boıynsha respýblıkalyq olımpıadanyń qorytyndy kezeńіne qatysady.
Aýyl mektepterіnіń oqýshylaryna arnalǵan respýblıkalyq olımpıadanyń qoǵamdyq-gýmanıtarlyq baǵyty 2024 jyldyń 22-28 qańtary aralyǵynda Astana qalasynda ótedі.