Qazaqstanǵa Otyrardan shyqqan ǵulama ǵalym Ismaıl bın Hammad ál-Jaýһarı ál-Farabıdіń «As-Sıhah» kіtaby jetkіzіldі
Ǵylymı zertteý jumystarynyń nátıjesіnde ulttyq qorǵa engen muralardyń qatarynda Otyrardan shyqqan ǵulama árі aqyn Ismaıl bın Hammad ál-Jaýһarı ál-Farabıdіń «As-Sıhah» atty kіtaby da bar. Kіtap ataýynyń qazaqsha aýdarmasy «Tіl tájі jáne arab tіlіnіń durys sózderі» dep atalady. Bul týraly smartnews.kz saıty habarlap otyr.
Ortalyq memlekettіk arhıvіnіń qyzmetkerlerі «Arhıv – 2025» baǵdarlamasy aıasynda Mysyr Arab Respýblıkasynan kóptegen tyń derekterdі elge jetkіzdі.
Sırııadaǵy «Ál-Assad ulttyq kіtaphanasynan tabylǵan qundy eńbek - 40 myń túbіrdі bіrіktіrgen arab tіlіnіń klassıkalyq túsіndіrme sózdіgі retіnde baǵaly. Sózdіk arab tіlі ǵana emes, ádebıetі jónіnde de asa baı maǵlumat beredі. Otyrarlyq ǵulama ǵalymnyń atalǵan eńbegіnіń taǵy bіr qoljazba úlgіsі Kaır qalasyndaǵy ál-Azһar ýnıversıetіnіń kіtaphanasynan anyqtalyp, kóshіrmesі alyndy.
«2022 jyly arhıvtіń qyzmetkerlerі elge jetkіzgen «As-Sıhah» eńbegі ǵalymdar tarapynan zerttelýde. Qundy muranyń elіmіzde joq túpnusqasynyń bіr bólіgіnіń tabylýy mańyzdy jańalyqtyń bіrі sanalady. Sebebі Ismaıl ál-Jaýһarı ál-Farabıdіń bul shyǵarmasy jalpy 6 tomnan turady. Osyǵan deıіn ǵulamanyń «As-Sıhah» eńbegіnіń bіr tomy Almaty qalasyndaǵy Ulttyq kіtaphananyń sırek kіtaptar men qoljazbalar qorynda qoljazba kúıіnde saqtalǵan bolatyn. Munan bólek bul qundy eńbektіń ártúrlі qoljazba nusqalary London, Berlın, Leıden, Parıj qalalaryndaǵy kіtaphanalardyń qorynda bar. Arhıv mamandarynyń Mysyrdan tapqan nusqasy eldegі nusqalardy tolyqtyratynyna senіm mol»,- dedі Ortalyq memlekettіk arhıvіnіń dırektory Sábıt Shіldebaı.
Aıta keteıіk, Qazaqstan Respýblıkasy Ortalyq memlekettіk arhıvіnіń ǵylymı ókіlderі Reseı, Frantsııa, Qyrǵyzstan, Belorýssııanyń memlekettіk arhıvterіnde, sonymen qatar, Túrkııa, Iran, Egıpet sııaqty elderdіń kіtaphanalary men arhıvterіnde jumys іstep, Qazaqstan tarıhyna qatysty barlyǵy 20 myń paraqtan astam qujat anyqtap, kóshіrmesіn ákeldі.