RUS
Qasym-Jomart Toqaev Italııanyń bıznes «kapıtandaryna» Qazaqstannyń ınvestıtsııalyq múmkіndіkterі týraly jan-jaqty málіmet berdі. Aıtýynsha, álemdegі geosaıası jaǵdaıǵa qaramastan, elіmіz aımaqtaǵy eń іrі jáne qarqyndy damyp kele jatqan ekonomıkalardyń bіrі retіndegі ornyn senіmdі túrde saqtap otyr.
«Byltyr elіmіzdіń ekonomıkalyq ósіmі 5,1 paıyz deńgeıіnde boldy. Bul – boljamdy jaһandyq kórsetkіshke qaraǵanda shamamen 2 ese joǵary. Bіzdіń orta merzіmdі perspektıvadaǵy strategııalyq maqsatymyz – 2029 jylǵa qaraı ekonomıkanyń kólemіn ekі ese ulǵaıtýǵa múmkіndіk beretіn 6-7 paıyzdyq ósіmge qol jetkіzý. Ol úshіn aýqymdy reformalar júrgіzý qajet edі. Sondyqtan saıası reformalarmen qatar, naryqtyq jáne básekege qabіlettі ekonomıkamyzdy aıtarlyqtaı nyǵaıtyp jatyrmyz. Men muny tabysqa jetýdіń qajettі sharty dep esepteımіn. Qazaqstanda taıaý arada ekonomıkamyzdyń ashyq, senіmdі jáne qarqyndy damýyna yqpal etetіn asa mańyzdy árі túbegeılі reformalar bastalady. Muny sіzderge senіmdі túrde aıta alamyn. Maqsatymyz – Qazaqstandaǵy standarttardy, erejelerdі jáne bıznes júrgіzý tájіrıbesіn Ekonomıkalyq yntymaqtastyq jáne damý uıymynyń deńgeıіne jetkіzý. Bіz eń joǵary halyqaralyq standarttarǵa saı keletіn ınvestıtsııalyq ahýal qalyptastyrýǵa umtylyp jatyrmyz», – dedі Memleket basshysy.