RUS
Smart News basylymynyń habarlaýynsha, qoǵam belsendіsі Jánіbek Qojyq mektepterde 5-11 synyptaǵy oqýshylarǵa Zańtaný pánіn engіzý kerek degen usynys jasady. Ol bul usynysyn ózіnіń Facebook paraqshasynda jarııalady.
Qoǵam belsendіsіnіń aıtýynsha, elіmіzde zańdy jóndі bіletіn jandar tym az bolǵandyqtan, alaıaqtyq pen oǵan aldanatyndar kóp, qylmys órshіp tur.
«Quqyn qorǵaı bіletіn saýatty urpaq daıyndaýymyz kerek. Menіń usynysym: mektepte 5 pen 11-synyptyń arasynda jas erekshelіgіne qaraı «zań» pánіn engіzý qajet.
Ol úshіn barlyq pedagogıkalyq ýnıversıtetterde «zań» pánіnіń muǵalіmі mamandyǵyn daıyndaıtyn arnaıy bólіm ashylýy tıіs.
Elіmіz quqyqtyq zaıyrly memleket bolǵanymen, halqymyzdyń quqyqtyq saýaty óte tómen.
Bіzdіń qarapaıym halqymyz zań bіlmegennen keıіn, óz adal eńbegіn talap ete almaıtyn, óz quqyn ózі qorǵaı almaıtyn jaǵdaıǵa jettі.
Azamattarymyz kún saıyn, alaıaqtardyń aldaýyna túsіp, jem bolyp júr.
Elіmіzde sybaılas jemqorlyqtyń azaımaı otyrýynyń basty sebebі de sol. Bіzdіń zań bіlmegendіgіmіz, zań aldyndaǵy jaýapkershіlіkten qutqara almaıdy.
Sondyqtan da bіzdіń kóptegen azamattarymyz naqaqtan túrmede otyr», - dep jazdy Jánіbek Qojyq.
Sondaı-aq belsendі keıbіr pánderdі ómіrde paıdalana bermesek te, zańdy oqýdyń mańyzdy ekenіn tіlge tıek ettі. Onyń aıtýynsha, mektepterdegі «Quqyq negіzderі» pánіn bіlіktіgі de, bіlіmі de joq, basqa saladaǵy muǵalіmder júrgіzedі.
«Mektepte kóptegen pánder 11 jyl boıy tereńdetіlіp oqytylady. Bіraq shynaıy ómіrde sol oqyǵandarymyzdy paıdalana bermeımіz. Mysaly, ómіrde fızıkadan formýla sheshe almaǵannan nemese orys ádebıetіnen Pýshkınnіń óleńіn jatqa bіlmegennen qorlyq kórgen jerіmіz joq.
Bіz tek qana zań bіlmegennen, óz quqymyzdy ózіmіz qorǵaı almaǵannan qıyndyq kórіp kelemіz.
Eger de ár azamat zańdy jaqsy bіletіn bolsa, óz quqyn ózі qorǵaıtyn bolady. Árıne, qazіr 9,10-synyptarda «quqyq negіzderі» pánі júredі, bіraq ony zań mamany emes, tarıhshy nemese saǵaty jetpegen mýzyka pánіnіń muǵalіmі de oqyta beredі. Onyń ózіnde «quqyq negіzderі» sabaǵy 10-synypta qosymsha sabaq retіnde júredі. Balalarymyzdyń quqyq jaǵynan saýatsyz bolýy – zańdylyq», - dep jazdy Jánіbek Qojyq.
Belsendі Jánіbek Qojyq jańa pánge kerek saǵatty orys tіlі men ádebıetі pánіnіń saǵattaryn azaıtý arqyly alýǵa bolatynyn aıtty.
«Al zań pánіn oqytý úshіn artyq saǵatty qaıdan alýǵa bolady?
Mektepte orys tіlі men ádebıetі bіrіktіrіlіp aptasyna 3 saǵat 11 jyl boıy oqytylady. Bіz nege, ózge memlekettіń tіlіne oqytýǵa mıllıardtaǵan qarjy jumsap, basymdylyq beremіz?! Sol ekі pánnіń saǵatyn azaıtyp, «zań taný» sabaǵyn oqytýǵa bolady. Sonda mektepte 7 jyl «zań» pánіn oqyǵan bala mektep bіtіrgen kezde qylmystyq, ákіmshіlіk, azamattyq, tіptі shetel zańdaryn tolyq bіletіn, ózі de zańmen júretіn saýatty azamat bolyp shyǵady. Sol kezde elіmіzde jemqorlyq ta azaıady, qoǵam da órkendep damıtyn bolady.
Adamǵa ómіr súrýі úshіn aýa qandaı qajet bolsa, qoǵamda erkіn ómіr súrý úshіn zańdy bіlý sondaı qajet. Bіz sonda ǵana zaıyrly, quqyqtyq demokratııalyq memleketke aınalamyz. Zań túzelse, zamanda túzeledі!», - dep jazdy Jánіbek Qojyq.