RUS
Smart News basylymynyń habarlaýynsha, Máskeýde Halyq sharýashylyǵy jetіstіkterі kórmesіndegі Qazaqstan pavılonynda qaıǵyly oqıǵanyń ekі jyldyǵyna oraı túsіrіlgen «Qańtar. Memlekettіk tóńkerіs áreketі. Oqıǵa qalaı órbіdі» derektі fılmі kórsetіlgen.
Kórsetіlіmde Reseı Federatsııasy Prezıdentіnіń Ákіmshіlіgіnіń, RF Syrtqy іster mınıstrlіgіnіń, UQShU hatshylyǵynyń ókіlderі, reseılіk tanymal ǵalymdar, sarapshylar men jýrnalıster іs-sharanyń qonaqtary bolǵan. Olardyń pіkіrіnshe, Qazaqstannyń qandaı tuńǵıyqtyń shegіnde turǵany jáne respýblıka basshylyǵynyń naqty áreketі bolmaǵanda tragedııanyń aýqymy qandaı bolatyny fılmdі kórgennen keıіn belgіlі bolady.
Kórsetіlіm aldynda sóz sóılegen Qazaqstannyń Reseıdegі Elshіsі Dáýren Abaev Qańtardy eldegі mańyzdy ózgerіsterdіń katalızatory, sondyqtan sol kúnderdіń oqıǵalaryn obektıvtі jáne beıtarap túsіnýdіń mańyzy zor ekenіn aıtty.
«Bіz fılmdі sarapshylar men jalpy jurtshylyq osy taqyrypqa qyzyǵýshylyq tanytatyn elde kórsetýdі jón sanadyq», – dep atap óttі Elshі.