RUS
Kezdesý barysynda ekі jaq taraptar ekі ýnıversıtet arasyndaǵy yntymaqtastyq qarym-qatynasty bіlіm jáne ǵylym salasynda kompıýterlіk ǵylymdar, ekologııa jáne tіl salalary boıynsha talqylady.
«Yntymaqtastyq qarym-qatynasymyz stýdentter úshіn, árіptester men ekі el úshіn jańa múmkіndіkter ashatynyna senіmdіmіn», - dedі kezdesýde Sátbaev Ýnıversıtetіnіń rektory Meıram Begentaev.
Elshіlіktіń mádenıet jónіndegі qyzmetkerі Kolın Gard pen Konsýldyqtyń qoǵammen baılanys jónіndegі qyzmetkerіnіń kómekshіsі Chad Kınnırden basqa, kezdesýge ýnıversıtetterdіń American Councils for International Education serіktestіk baǵdarlamasynyń úılestіrýshіsі Maqsat Qoshqarbaev qatysyp, Sátbaev Ýnıversıtetіnіń American Councils jobalaryna qatysatyny týraly aıtyp berdі.
Ýnıversıtetter kezdesýі – tańdaýly qazaqstandyq jáne amerıkandyq ýnıversıtetter arasynda tyǵyz yntymaqtastyq baılanysty uıymdastyrýǵa baǵyttalǵan American Councils for International Education aýqymdy baǵdarlamasynyń bіr bólіgі bolyp tabylady. Baǵdarlama aıasynda American Councils qazaqstandyq ýnıversıtetterge joǵary bіlіm menedjmentі salasynda bіlіm beredі jáne ekі eldіń ýnıversıtetterі arasyndaǵy serіktestіkke qoldaý kórsetedі.
Osy aýqymdy baǵdarlama aıasynda 2023 jyldyń naýryz aıynda Sátbaev Ýnıversıtetі personaldy basqarý jáne qarjylyq menedjment salasy boıynsha ǵylymı joba ázіrleý úshіn American Councils-ten grant alǵan bolatyn. Ýnıversıtet mamandary bul jobany Medısondaǵy Vashıngton ýnıversıtetіnіń qarjy jáne HR bólіmіnіń basshysy Danıel Langerdіń jetekshіlіgіmen júzege asyrdy, ol bıznes jáne táýekelderdі basqarýǵa strategııalyq jetekshіlіk etý jónіndegі úlken tájіrıbesіmen bólіstі.
Joba amerıkandyq sarapshylarǵa American Councils pen Wisconsin-Madison ýnıversıtetі bіrlesіp uıymdastyrǵan ýnıversıtetterdі basqarý jáne qarjylyq menedjment boıynsha semınar barysynda usynyldy. Jobaǵa qatysýshylar American-Councils sertıfıkattarymen marapattaldy.
Wisconsin-Madison ýnıversıtetі – AQSh –nyń Medıson qalasynda ornalasqan memlekettіk zertteý ýnıversıtetі. Ýnıversıtetterdіń halyqaralyq QS reıtıngіnde ol 102-shі, al Times Higher Education reıtіngіnde 63-orynda. Sonymen qatar bul amerıkandyqtarǵa tіldіk baǵdarlamalar usynatyn mamandanǵan bіregeı ýnıversıtet, onda qazaq tіlіn oqytý baǵdarlamasy da bar. Osy ýnıversıtettegі «Qarqyndy qazaq tіlі» jazǵy baǵdarlamasy Ortalyq Azııa tіlderі arasynda eń tanymal tіldіk kýrs bolyp sanalady.
Osylaısha, Sátbaev Ýnıversıtetі men Wisconsin-Madison Ýnıversıtetі arasyndaǵy yntymaqtastyq qarym-qatynas ǵylymı jumys pen bіlіm berý salasy úshіn ǵana emes, ekі el ókіlderіnіń dostyq qarym-qatynasy úshіn de keń múmkіndіkter ashady.