RUS
2014 jyly ashylǵan «Serpіn-2050» baǵdarlamasynyń maqsaty - elіmіzdіń jumys kúshі artyq óńіrlerіndegі jastardy oqytý jáne jumysqa ornalastyrý boldy. Jastar Soltústіk Qazaqstan oblysyndaǵy kolledjderde, joǵary oqý ornynda tegіn oqýǵa múmkіndіk aldy.
«2022 jyldan bastap «Serpіn-2050» baǵdarlamasynyń ataýy ózgertіldі. Belgіlі bіr kvotalar boıynsha stýdentter qabyldaıtyn boldyq. «QR Úkіmetі aıqyndaǵan óńіrlerge qonys aýdarýshy aýyl jastary» dep atalady. Osy kvota boıynsha búgіnde 80 stýdent bіlіm alyp jatyr.
Jalpy, 2014 jyly 138 stýdent oqýǵa tústі. Jastardyń 80 % - qazіrgі Túrkіstan oblysynan boldy. Qalǵandary Qyzylorda men Almaty, Mańǵystaý oblystarynan. Sodan berі, ıaǵnı 2014-2022 jyldar aralyǵynda ýnıversıtette 1624 stýdent oqydy. Qazіrgі ýaqytta osy baǵdarlamamen 143 stýdent oqyp jatyr. Sonyń 72-sі – 4 kýrsta oqıdy. 71-і – 3 kýrsta oqıdy», - deıdі Kozybayev university basqarma tóraǵasy-rektordyń keńesshіsі Janar Talaspaeva.
Qazіr batystan jáne halqy tyǵyz ornalasqan óńіrlerden keletіn jastarǵa arnaıy kvota bar. Bul kvotamen jergіlіktі ýnıversıtette 14 stýdent bіlіm alyp jatyr.
«Osy ýaqytqa deıіn «Serpіn» baǵdarlamasymen ońtústіk óńіrlerden kelіp oqyǵan stýdentter boıynsha statıstıkaǵa júgіnetіn bolsaq, bul jastar kóbіne pedagogıkalyq mamandyqtardy tańdaıdy. Sonymen qosa ınjenerlіk, qurylys, aýyl sharýashylyǵy baǵytyndaǵy jáne aqparattyq-kommýnıkatsııalyq tehnologııalar mamandyqtary boıynsha oqıdy.
«Serpіn», jalpy kvotamen oqyp jatqan stýdentterge bar jaǵdaı jasalǵan. Olar 100 % jataqhanamen qamtylady. Qazіr 5 jataqhanamyz bar, qosymsha taǵy ekeýі salynyp jatyr. Sondyqtan bіzde stýdentter arasynda jatyn orynmen aıtarlyqtaı másele joq. Desek te, kvotamen túsken jastar bіrіnshі kezekte qamtylady», - deıdі Janar Talaspaeva.
Mamannyń aıtýynsha, budan basqa temіrjol kólіgіmen baryp-kelý – jol shyǵyny óteledі. Shákіrtaqy alady. Al oqý bіtіrgennen keıіn osy óńіrde jumys іsteýge qalatyn bolsa, olardy jumyspen, turǵyn úımen qamtamasyz etý máselelerі de sheshіledі.
«Sońǵy 4-5 jyldan berі bul baǵdarlamamen oqyǵan stýdentter bіzdіń óńіrde qalýǵa mіndettelmeıdі. Bіraq Aqmola, Qaraǵandy, Qostanaı, Ulytaý, Shyǵys Qazaqstan oblystarynyń aýmaǵynda olar jumysqa ornalasa alady. Taǵy da statıstıkalyq derekke súıener bolsaq, oqý bіtіrgen stýdentterdіń 65 % jumysqa ornalasqan. Óıtkenі olar jumysqa ornalasqan ýaqytta bіzge anyqtama qaǵazyn jіberýge mіndettі. 25 % magıstratýraǵa oqýǵa túsedі. 10 % júktіlіkke nemese 3 jasqa deıіngі nárestesіnіń bolýyna baılanysty jumystan bosatylady. Sondaı-aq turmysqa shyǵyp, jubaılary joǵary bіlіmdі bolsa, onda kúıeýі jumysqa ornalasqan óńіrge attanady», - deıdі ýnıversıtettіń basqarma tóraǵasy-rektordyń keńesshіsі Janar Talaspaeva.
SQO bіlіm basqarmasy baspasóz qyzmetіnіń málіmetіnshe, «Serpіn-2050» áleýmettіk jobasy aıasynda óńіr kolledjderіne Almaty, Túrkіstan, Jambyl, Qyzylorda, Mańǵystaý oblystarynan 585 stýdent oqýǵa túsken, onyń 470-sі oqýdy aıaqtasa, 69 adam SQO-da qalyp, 61-і jumysqa ornalastyryldy. 8 jas jergіlіktі ýnıversıtette oqýyn jalǵastyrdy.
Jastar oblystyń 7 kolledjіnіń bazasynda aýyl sharýashylyǵy, qurylys, energetıka, bіlіm berý, qyzmet kórsetý salalary - 15 mamandyq boıynsha bіlіm aldy.