Qazaqstanda robot sot oryndaýshy іske qosyldy
Ádіlet mınıstrlіgі Tarazda respýblıkalyq JSO palatasymen bіrlesіp, ońtaılandyrylǵan atqarýshylyq óndіrіstі engіzý boıynsha pılot jobany іske qosty. Bul týraly smartnews.kz saıty habarlap otyr.
Osyǵan deıіn azamattar salynǵan aıyppuldy ýaqytynda óteı almaǵan jaǵdaıda onyń 25%-ǵa deıіngі somasyn jeke sot oryndaýshyǵa tóleýge mіndettі bolatyn.
Endі bul qyzmettі robot tegіn atqarady.
Jańa jobanyń arqasynda el azamattary 2 mlrd teńgege deıіn únemdeı alady.
Júıe algorıtmі myna tártіppen jumys іsteıdі:
- Bas prokýratýranyń quqyqtyq statıstıka jáne arnaıy esepke alý jónіndegі komıtetі 50 kún іshіnde tólenbegen ákіmshіlіk quqyq buzýshylyq úshіn aıyppul somasyn óndіrіp alý týraly uıǵarym jіberedі.
- Robot 5 kúntіzbelіk kún іshіnde talapty oryndaý qajettіgі týraly SMS habarlama jіberedі.
- Aıyppul boıynsha erіktі tólem bolmaǵan jaǵdaıda, júıe jeke sot oryndaýshysyna májbúrlep oryndaýǵa atqarý paraǵyn usynady.
- Tólem ýaqtyly júrgіzіlse, atqarýshylyq іs júrgіzý artyq shyǵynsyz toqtatylady.
Joba sáttі júzege asatyn bolsa, ony búkіl Qazaqstan aýmaǵyna engіzý josparlanyp otyr.