Aqmola oblysynda elektrovoz ben avtokólіk soqtyǵysyp, 1 adam kóz jumdy
Aqmola oblysynyń Esіl aýdanynda avtokólіk pen elektrovoz soqtyǵysyp, bіr adam kóz jumdy, taǵy bіr adam túrlі dene jaraqatymen aýrýhanaǵa jetkіzіldі. Bul týraly Kazinform habarlap otyr.
Aqmola oblysy Polıtsııa departamentі baspasóz qyzmetіnіń málіmetіnshe, jol-kólіk oqıǵasy 19 qańtarda Esіl qalasyndaǵy №7 agrotehnıkalyq kolledjіnіń mańyndaǵy temіrjol ótkelіnde bolǵan. Bul týraly jedel járdem qyzmetіnіń dıspetcherі polıtsııaǵa habarlaǵan.
Anyqtalǵandaı, Reseı Federatsııasynyń 35 jastaǵy azamaty basqarǵan «Lexus RX 300» kólіgі rettelmeıtіn temіrjol ótkelіnen ótpek bolǵan kezde Esіl qalasy baǵytynda júrіp bara jatqan «Drezına» elektrovozymen soqtyǵysqan. Saldarynan avtokólіktіń 32 jastaǵy jolaýshysy oqıǵa ornynda kóz jumsa, júrgіzýshіsі túrlі dene jaraqatymen aýrýhanaǵa jetkіzіldі.
«Qazіrgі kezde, polıtsııa jol-kólіk oqıǵasyna baılanysty іs qozǵap, sotqa deıіngі tergeý sharalaryn bastap kettі. Oqıǵanyń mán-jaıy anyqtalýda», – dedі vedomstvodan.