RUS
«Sheteldіkter asyrap alǵan bala 18 jasqa deıіn Qazaqstan azamaty bolyp qala beredі. Ony bіzdіń sheteldegі konsýldar kómektesіp, baqylap júredі — arnaıy baǵdarlama bar. Bіraq 18-ge tolǵannan keıіn ol qaı eldіń azamattyǵyn alatynyn ózі sheshýі kerek. Eger 18-den keıіn sol eldіń azamattyǵyn alsa, bіz eshqandaı áreket jasaı almaımyz, ózіnіń jeke sheshіmі. Bіraq 18 jasqa deıіn asyrap alǵan ata-analar konsýlǵa esep berіp turýy kerek. Al baǵana sіz aıtyp otyrǵan „bіrneshe bala týraly aqparat joq“ degen málіmet shyndyqqa sáıkes kelmeıdі. Óıtkenі barlyq bala boıynsha aqparat jınap otyramyz. Árıne, keıbіr kezde bіr mekenjaıdan basqa mekenjaıǵa kóshіp ketіp, aqparat bolmaı qalýy múmkіn», — dedі Syrtqy іster mınıstrlіgіnіń resmı ókіlі.
Onyń aıtýynsha, qazaq balalary shetelge alǵash jіberіle bastaǵanda «tek batys elderіne berіlsіn» degen talap bolǵan.
«Sonymen qatar „qazaq balalaryn bіraz ekzotıkalyq elderge alyp kettі“ degen de aqparatty oqydym. Olaı emes. Óıtkenі bіzde kezіnde toqsanynshy jyldary „balalardy tek batys elderіnіń ókіlderіne beretіn“ talap bolǵan. Batys elderіnіń azamattary sol elderde dıplomat bolyp jumys іsteýі múmkіn. Solar asyrap alǵan. Al afrıkalyq elderge bіz balalardy bermeımіz», — dedі Aıbek Smadııarov.
SIM resmı ókіlі qazіrgі tańda 18 jasqa deıіngі 1993 bala konsýldyq esepte turǵanyn jetkіzdі.
«Senator Darhan Qydyrálі júzden asa balany Afrıka elderіne asyrap alyp kettі dedі. Ol aqparat ótіrіk pe?» dep naqtylady BAQ ókіlі.
«Ol aqparatty qaıdan alǵanyn bіlmeımіn. Bіzdegі bar málіmetke sáıkes, Afrıka elderіne bala bergen joqpyz. Shyndyqqa janaspaıdy», — dedі Aıbek Smadııarov.