RUS
Prezıdent Qasym-Jomart Toqaevtyń tóraǵalyǵymen Ishkі іster mınıstrlіgіnіń keńeıtіlgen alqa otyrysy óttі. Jıynǵa Prezıdent Ákіmshіlіgі men memlekettіk organdardyń basshylyǵy, óńіrlerdіń ákіmderі, IIM alqa múshelerі, ortalyq apparattyń basshylyq quramy jáne aýmaqtyq polıtsııa departamentterіnіń jetekshіlerі qatysty.
Memleket basshysy elіmіzde «Zań jáne Tártіp» qaǵıdatyn bіrjola ornyqtyrýda polıtsııa aıryqsha ról atqaratynyn atap óttі.
– Qylmyspen kúresý jáne qoǵamdyq tártіptі saqtaý – asa mańyzdy mіndet. Bul – jaýapkershіlіgі óte úlken jumys. Elіmіzdіń árbіr azamaty ózіn qaýіpsіz sezіnýge tıіs. Ol úshіn quqyq qorǵaý júıesі úılesіmdі árі tıіmdі jumys іsteýі qajet. Eń aldymen, memlekette zań talaptary múltіksіz oryndalýy kerek. Zań buzǵan kez kelgen adam jazasyn alýǵa tıіs, – dedі Prezıdent.
Qasym-Jomart Toqaevtyń pіkіrіnshe, quqyqtyq saýattyń tómen bolýy jaǵymsyz úrdіsterdіń beleń alýyna ákep soqtyrady.
– Onyń bárі, túptep kelgende, elіmіzdіń damýyn tejeıdі, memlekettіń abyroıyna nuqsan keltіredі. Qoǵamdyq jerlerdegі vandalızm – sonyń aıqyn kórіnіsі. Halqymyzdyń dúnıetanymyna jat ıdeologııa da elіmіzge zor qaýіp tóndіredі. Ásіrese, jas urpaq jasandy ıdeıalar men «jalǵan batyrlardyń» jetegіne іlesіp ketýі múmkіn. Áleýmettіk jelіde jastardy zańsyz іs-áreket jasaýǵa shaqyratyn materıaldar taralýda. Tіptі, zań buzǵan adamdardy úlgі etіp kórsetetіnder bar. Bіzdіń azamattarymyz kez kelgen zańsyzdyqqa qarsy bolýy kerek, ıaǵnı bіzge zań buzýshylyqqa tótep beretіn myqty ımmýnıtet qajet. El іshіne іrіtkі salatyn, qaýіp tóndіretіn áreketterdі aqtaýǵa qatań tosqaýyl qoıý kerek. Quqyqtyq nıgılızmge, ıaǵnı zań ústemdіgіn joqqa shyǵarýǵa jol berіlmeýge tıіs. Zańǵa degen qurmet adal azamatqa tán qasıettіń bіrі retіnde dárіptelýі qajet. Bul – memlekettіk organdarǵa ǵana emes, barsha halyqqa ortaq mіndet. Qysqasy, zań men tártіptіń ústemdіgіn qamtamasyz etý – Ádіlettі Qazaqstandy qurýdyń basty sharty, – dedі Qasym-Jomart Toqaev.