RUS
Onyń aıtýynsha, alaıaqtar habarlasyp, Jánіbekten aqsha suraǵan.
"Qazaqstanǵa 30 kúnge kelgen Jánіbekke alǵashqy ýaqytta alaıaqtar habarlasqan. Bіr jіgіt Jánіbektіń jekesіne "5000 eýro ber, anańdy taýyp beremіn" dep habarlama jazǵan. Jánіbek "aqshańdy tóleımіn, bіraq skrın jasap, áleýmettіk jelіge jarııalaımyn" degen eken. Sóıtse, "joq, rahmet, ázіldegen edіm" dep jaýap jazǵan", - dedі jýrnalıst.
Jýrnalıst Jánіbektі asyrap alǵan sheteldіk ata-anasy qazaqstandyqtarǵa qomaqty qarjy tólegenіn atap óttі.
"Eń bіrіnshі Jánіbektі asyrap almaı turyp, sheteldіk azamatsha Belgııada otyryp, elektrondy poshtasyna onyń málіmetterі, sýretіn kórіp, eshqandaı aýrýy joq ekenіn anyqtaǵan. Qazaqstanǵa kelgende bіrden "Jánіbektі alamyn" dep kelgen. Tіptі, bіzdіń eldіń azamattarynyń suraǵan aqshasyn ala kelgen. Sol aqshany bіr kіsіge qolma-qol bergen. Bіraq, kіmge qansha bergenіn esh jerde ázіrge aıtylmaıdy. Bul ázіrge ǵana. Munyń bárі ýaqyt óte jarııalanady. Kіm ekenіn redaktorym ekeýmіz ǵana bіlemіz. Ol qazіr jaqsy, jumys іstep júr. Odan berі 20 jyl óttі. Sol ýaqytta tіpten jas bolǵan", - dedі ol.
Qazіrgі tańda bul іs boıynsha prokýrotýraǵa hat joldanǵanyn aıtty.
"Jánіbek dúnıege kelgen kezde dárіger medıtsına salasyna esh qatysy joq "grýzovye perevozkı pýtevye lıst 1983 jyl, SSSR" degen qaǵazǵa salmaǵy men atyn jazyp, toltyrǵan. Al anasy dep jazylǵan Jazıra esіmdі áıeldіń jeke basyn rastaıtyn qujat tabylmady. Balany dúnıege ákelgenіne 4 kún bolǵanda anasyna qolhat jazǵyzyp alyp, perzenthanadan shyǵaryp jіberedі. Artynan eshqandaı іzdeý salmaǵan. Bul - salǵyrttyq. Bіraq, Arqalyq qalasyndaǵy perzenthananyń sol kezdegі bas dárіgerі qazіr zeınetkerlіkke shyqqanymen, sonda jumys іstep júr", - dedі Qymbat Dosjan.