Ákіmdіk qarjy bólmegen Shymkenttegі daǵdarys ortalyǵyna tyshqan qaptap ketken
Turmystyq zorlyq-zombylyqtan zardap shekken áıelderge kómek kórsetetіn «Kómek» jekemenshіk daǵdarys ortalyǵynda tyshqan qaptap ketkendіkten, ýaqytsha jabyldy. Bul týraly Otyrar.kz habarlap otyr.
Áleýmettіk mekeme jetekshіsі Malıka Abdrashqyzynyń aıtýynsha, kemіrgіshterdіń qaptaýyna jyly aýa raıy sebep bolǵan. Budan buryn ol aýdanda tyshqan 2018 jyly qaptap ketken kórіnedі. Bul joly olar daǵdarys ortalyǵynyń bіrіnshі qabaty men tamaqtanatyn orynǵa jınalǵan. Sol sebeptі áıelder men balalardy shuǵyl basqa oryndarǵa kóshіrýge týra kelіptі. Ortalyqtyń ózіnde qazіr dezınfektsııa júrgіzіlіp jatyr.
Oqıǵa jańa jyldan keıіn boldy. Ekіnshі qabat durysyraq. Bіrіnshі qabatqa, emdіk dene tárbıesі kabınetіne, ashanaǵa tyshqan qaptap kettі. Bіz turǵyndarymyzdyń mundaı jaǵdaıda ómіr súrýіne jol bere almadyq. 32 adam – áıelder men olardyń balalaryn úılerge bóldіk. Erіktіler tartyldy, bіzdіń qyzmetkerler de kómek kórsettі. Buryn bіzben bіrge turyp, kómek alǵandar da shama-sharqynsha bul adamdardy úılerіne alyp kettі. Bárіne alǵys aıtamyz. Ókіnіshke qaraı, Shymkent qalasynyń ákіmdіgіne júgіngen joqpyz. Sebebі osy jyldar boıy jergіlіktі atqarýshy organdar eshqandaı qarjylyq kómek kórsetken joq. Al ómіrіnіń qıyn kezeńіnde júrgen áıelder kómekke muqtaj, - deıdі Malıka Abdrashqyzy.
Dezınfektsııa jumystary kún saıyn jasalyp jatqanyn aıta ketken jón. Jospar boıynsha kelesі aptada daǵdarys ortalyǵy qaıta ashylady.