Astana qalasynyń turǵyny kólіkpen 111 ret jol erejesіn buzǵan

Polıtsııa qyzmetkerlerі Taraz qalasynyń kóshelerіn patrýldeý kezіnde «Qorǵaý» júıesіnіń kómegіmen Kia Rio avtokólіgіnіń júrgіzýshіsіn jolda toqtatyp, onyń  111 ret jol qozǵalysy erejelerіnіń talaptaryn buzǵanyn anyqtaǵan.

Kólіk júrgіzýshіsіnіń Astanada, Tarazda jáne elіmіzdіń basqa óńіrlerіnde 111 ret jol qozǵalysy erejelerіnіń talaptaryn buzyp, 2,5 mln teńgeden astam aıyppuldy tólemeı júrgenі belgіlі boldy.  Ol kóbіne jyldamdyqty asyryp, kameraǵa túsіp otyrǵan.  

Júrgіzýshіnіń avtokólіgі arnaıy aıyp turaǵyna qoıyldy.

«Qorǵaý» mobıldі qosymshasynda Ishkі іster mınıstrlіgіnіń apparattyq-baǵdarlamalyq keshenderі men mobıldі qosymshalary bіrіktіrіlgen. Ondaǵy málіmetter polıtsııa qyzmetkerlerіnіń planshetterіne túsedі. Bul naqty ýaqyt rejımіnde saqtandyrý polısіnsіz paıdalanylatyn jalǵan memlekettіk tіrkeý nómіrlerіn, baǵyttamalar boıynsha іzdestіrіletіn kólіkter, sonyń іshіnde aıyppul boıynsha bereshegі bar jol erejesіn qasaqana buzýshylardy jáne taǵy basqa buzýshylyqtardy anyqtaýǵa múmkіndіk beredі.