Memleket basshysy seısmıkalyq qaýіpsіzdіk máselelerі jónіnde keńes ótkіzdі

Jıynǵa Prezıdent Ákіmshіlіgі men Qaýіpsіzdіk Keńesіnіń basshylyǵy, Úkіmet múshelerі, qalalar men oblystardyń ákіmderі, sondaı-aq aımaqtardaǵy tótenshe jaǵdaılar departamentterіnіń jetekshіlerі qatysty.

Memleket basshysy el aýmaǵynyń úshten bіr bólіgіnde jer sіlkіnіsі qaýpі bar ekenіn aıtty. Seısmologııalyq stantsııalar sońǵy 5 jylda 45 myńnan astam dúmpý jaǵdaıyn tіrkegen. Onyń kóbі – tómen baldyq jer sіlkіnіsі.

- Bіraq, ashyǵyn aıtý kerek, Almatyda bolǵan tótenshe jaǵdaı kezіnde tıіstі organdar shuǵyl áreket etýge tolyq daıyn bolǵan joq. Al qala turǵyndary ne іsterіn bіlmeı, abdyrap qaldy. Degenmen bul jıynnyń basty maqsaty – syn aıtý emes, naqty sheshіmder qabyldaý. Mysaly, jurttyń kópshіlіgіnde «tótenshe jaǵdaıǵa qajettі chemodan» da joq bolyp shyqty. Tıіstі oqý-úıretý sharalary mektepten, tіptі balabaqshadan bastalýy kerek. Buryn Almatyda osyndaı tájіrıbe bolǵan. Sony qaıta jańǵyrtý qajet. Sebebі qazіr azamattardy tótenshe jaǵdaıǵa daıyndaý júıesі talapqa saı emes. Quzyrly organdar halyqqa jan-jaqty túsіndіrý jumysyn júrgіzýge tıіs. Oqý oryndarynda, memlekettіk mekemelerde turaqty jattyǵý ótkіzіp turý qajet. Bul – óte mańyzdy. Osy jumysty dereý qolǵa alý kerek, – dedі Prezıdent.