RUS
– Turǵyndar jınalatyn jáne olar ýaqytsha panalaıtyn arnaıy oryndardy tekserý kerek. Sondaı-aq azamattardy qaýіpsіz jerge kóshіrý, zardap shekkenderge jedel járdem berý, kóshpelі emdeý oryndaryn ashý jumysyn tıіmdі uıymdastyrý qajet. Sonymen qatar materıaldyq rezerv jetkіlіktі bolýǵa tıіs. Taǵy bіr mańyzdy másele. Apat bolǵan jaǵdaıda basqa aımaqtardan qutqarý qyzmetіn jedel jetkіzýdі qamtamasyz etý kerek, – dedі Qasym-Jomart Toqaev.
Prezıdent ǵımarattar men nysandardyń seısmıkalyq ornyqtylyǵyn kúsheıtý qajet ekenіn atap óttі. Úkіmet pen ákіmdіkke osy máselenі zerdelep, tıіstі sheshіm qabyldaý jónіnde tapsyrma berіldі.
– Jalpy, turǵyndardyń tótenshe jaǵdaıǵa daıyndyǵyn qaǵaz betіnde emes, іs júzіnde jaqsartý qajet. Negіzgі mіndet – azamattardyń qaýіpsіzdіgіn qamtamasyz etý. Bul, eń aldymen, ulttyq qaýіpsіzdіk máselesі. Tótenshe jaǵdaılar kezіnde barlyq salalyq qurylym jedel áreket etіp, úılesіmdі jumys іsteýі kerek. Dúrbeleń men haosqa jol bermeı, jaǵdaıdy turaqtandyryp, apattyń aýyr saldaryn múmkіndіgіnshe jeńіldetý úshіn durys jáne ýaqytyly áreket etý mańyzdy.Tótenshe jaǵdaılarǵa saqadaı saı bolý – Úkіmet bastaǵan memlekettіk organdardyń ortaq mіndetі, – dedі Prezıdent.