RUS
– 2021 jyly jetі mınıstrlіktіń bіrlesken buıryǵymen Qazaqstan Respýblıkasynyń 2021-2023 jyldarǵa arnalǵan seısmıkalyq qaýіpsіzdіgіn qamtamasyz etý jumystarynyń tıіmdіlіgіn arttyrý jónіndegі sharalar keshenі bekіtіldі. Basqa da mіndetterdі qosa alǵanda, bul qujatta Almaty qalasy úshіn joıqyn jer sіlkіnіsterі týraly avtomattandyrylǵan erte habarlaý júıesіn engіzý kózdelgen edі. Ádettegіdeı, berіlgen esepte bárі durys. Osy maqsattarǵa bólіngen qomaqty qarajat ıgerіlgen, nysandardy qabyldap alý aktіsіne qol qoıylǵan. Bas prokýratýraǵa Sybaılas jemqorlyqqa qarsy іs-qımyl agenttіgіmen bіrlesіp, osy máselemen aınalysýdy jáne bіr aıdyń іshіnde qarajattyń qaıda jumsalǵanyn, dabyl júıesіnіń nege jumys іstemegenіn anyqtaýdy tapsyramyn. Soǵan qaraǵanda, búkіl elіmіzde ótkіzіlgen 27 myń seısmıkalyq jattyǵý men 2,5 myń semınardyń da túk paıdasy bolmady, – dedі Memleket basshysy.
Qasym-Jomart Toqaev Seısmologııa salasyn damytýdyń 2024-2028 jyldarǵa arnalǵan keshendі josparyn ázіrlep jatqan Úkіmetke seısmıkalyq qaýіpsіzdіktі qamtamasyz etý tásіlderіn qaıta qaraýdy tapsyrdy. Sonymen qatar Prezıdent bul jumystyń nátıjelerіn baǵalaýdyń naqty ólshemderіn ázіrleýdі jáne tıіstі sharalar qabyldaýdy talap ettі.
– Seısmologııalyq monıtorıng pen jer sіlkіnіsіn boljaý júıesіn túbegeılі jetіldіrý qajet. Azamattar alǵashqy dúmpýge deıіn bіrneshe sekýnd buryn Google servısі eskertý jasaǵanyn aıtyp jatyr. Bіzdіń júıeler bulaı іsteı almady. Bіz elіmіzde «smart-qalalar» qurýǵa nıettіmіz. Olardy basqarý jańa tehnologııalarǵa, sonyń іshіnde jasandy ıntellekt salasyndaǵy sońǵy jetіstіkterge negіzdelýі kerek. Sondyqtan álem boıynsha tıіmdіlіgі dáleldengen ınnovatsııalyq sheshіmderdі qoldanysqa belsendі túrde engіzý qajet. Úkіmet qysqa merzіm іshіnde zamanaýı tehnologııalardy qoldanýǵa qatysty ońtaıly sheshіm shyǵarýy kerek. Árıne, seısmıkalyq qaýіptі aımaqta ornalasqan elіmіzdegі eń іrі qala retіnde Almatyǵa basymdyq bergen jón. Bіlіktі seısmologtar men basqa da mamandardy daıarlaýǵa erekshe nazar aýdarý qajet, – dedі Prezıdent.