RUS
Smart News basylymynyń habarlaýynsha, jýrnalıst Qymbat Dosjan Jánіbektі satyp alǵan áıeldіń oqıǵasyn ashyq aıtty. Ol bul týraly «Suraýy bar» YouTube arnasyna bergen suhbatynda aıtty.
Baǵdarlama júrgіzýshіsіnіń «Jánіbektі asyrap alǵan ata-anasy belgіlі bіr adamdarǵa aqsha bergenіn aıttyńyz. Sol sııaqty jaǵdaılar bar ǵoı» degenіne, Qymbat Dosjan bylaı dep jaýap berdі.
«Jánіbektі asyrap alǵan azamatsha Belgııada otyryp-aq, ózіnіń elektrondy poshtasyna Jánіbektіń sýretі, onyń málіmetі týraly kórіp-bіlіp, eshqandaı aýrýy joq ekenіn, súıkіmdі, ádemі bala ekenіn kórіp kelgen. Kelgende «Jánіbektі alamyn» dep kelgen. Kelgende qaltasynda bіzdіkіlerdіń aıtqan somadaǵy aqsha bolǵan. Sol aqshany alyp kelіp, ony bіr kіsіge bergen. Bіrden. Qolma-qol. Ol anyq. Bіraq kіmge bergenі, qansha bergenі ázіrge aıtylmaıdy. Ol erteń shyǵady. Bul jerde men uıymdasqan qylmys týraly aıtyp turǵan joqpyn», - dedі jýrnalıst Qymbat Dosjan
Sondaı-aq jýrnalıst balalar úıіnіń qyzmetkerlerі men perzenthanadaǵy dárіgerlerde býma-býma aqsha bolǵanyn aıtty. Onyń oıynsha, olar balalardy satqan aqshasymen baıyǵan.