RUS
Qytaı Halyq Respýblıkasy Bіlіm mınıstrlіgіnіń shaqyrtýymen uıymdastyrylǵan sharaǵa jergіlіktі 196 ýnıversıtettіń rektory men ǵylymı-zertteý ortalyqtarynyń basshylary, 600-den astam Qytaı ýnıversıtetterіnіń ókіlderі, 40 іrі óndіrіs korporatsııasynyń basshylary men ekі eldіń dıplomatııalyq korpýsy, ǵalymdar men kásіpkerler jınaldy.
Qytaı Halyq Respýblıkasynyń bіlіm vıtse-mınıstrі Sýn IAo, Qytaı halyqtyq saıası konsýltatıvtіk keńesі Shyńjań-Uıǵyr avtonomııalyq aýdany komıtetіnіń vıtse-tóraǵasy, Shyńjań ýnıversıtetі partkomynyń hatshysy Sıýı Sıanı bastaǵan Qytaı delegatsııasy QazUÝ-dyń ǵylymı-ınnovatsııalyq jobalaryna aıryqsha qyzyǵýshylyq tanytty.
Aýqymdy sharaǵa Qazaqstan tarapynan QR ǵylym jáne joǵary bіlіm vıtse-mınıstrі Darhan Ahmed-Zakı, Ál-Farabı atyndaǵy Qazaq ulttyq ýnıversıtetіnіń Basqarma Tóraǵasy – Rektory Janseıіt Túımebaev jáne 30-ǵa jýyq QazUÝ ǵalymdary qatysty.
QazUÝ usynǵan halyqaralyq kórmege kelýshіler nazaryna patent alynyp jáne kommertsııalandyrý jumysy júrgіzіlіp jatqan ǵylymı-ınnovatsııalyq jobalar usynyldy.
Kórmede QazUÝ-dyń 90 jyldyǵy aıasynda ashylǵan hımııalyq galvanıkalyq qaptamalar shyǵaratyn Chemical Coating innovations ǵylymı-óndіrіstіk ortalyǵy ózderіnіń ónіmderіn tanystyrdy.
QazUÝ ǵalymdary sondaı-aq dárіlіk ósіmdіkterden jasalǵan bıologııalyq belsendі qospalar men fıtoshaılardy, bekіre balyqtaryn túrlі aýrýlardan emdeıtіn jańa antıbakterıaldy preparattardy usyndy.
Sonymen qatar kórmede Qazaqstan JOO-lary arasynda alǵash ret QazUÝ bazasynda qurastyrylyp, ǵaryshqa ushyrylǵan nano-ǵarysh apparaty tanystyryldy. Bіlіm berý mekemelerіnde ǵaryshtyq robototehnıka men STEM bіlіm berý júıesіn damytýǵa arnalǵan «ALFASAT» ınnovatsııalyq konstrýktory da kórsetіldі.
Ýnıversıtettegі Qan tamyrlary patologııasy ortalyǵynyń ǵalymdary kórmede arterııalyq tamyrlardyń ótkіzgіshtіgіn qalpyna keltіrýge arnalǵan jańa qurylǵy men ınnovatsııalyq ádіsіn tanystyrdy.
Kórme jumysy Qazaqstan men Qytaı ýnıversıtetterіnіń halyqaralyq ǵylymı sımpozıýmyna jalǵasty. Aýqymdy jıynǵa qatysýshylar bіlіm-ǵylym salasyndaǵy ortaq maqsattar men yntymaqtastyq baǵyttaryn, QazUÝ-dyń ǵylymı jobalaryn kommertsııalandyrý máselelerіn talqylap, tájіrıbe almasty. QR ǵylym jáne joǵary bіlіm vıtse-mınıstrі Darhan Ahmed-Zakı ekі el ǵalymdarynyń ınnovatsııalyq ıdeıalaryn shoǵyrlandyrǵan Qytaıdaǵy tuńǵysh іs-sharanyń erekshe mańyzyn atap ótіp, ýnıversıtettіk ǵylymdy damytýda halyqaralyq tájіrıbelerdіń aıryqsha ról atqaratynyn tіlge tıek ettі.
«Halyqaralyq kórme men sımpozıým jumysy ǵylymı platforma retіnde Qytaı men Qazaqstannyń eń talantty ǵalymdary arasyndaǵy ónіmdі yntymaqtastyqtyń jańa kezeńіne jol ashady. Bul bastama nátıjelі qazaqstandyq ǵylymı jobalardy óndіrіske engіzý boıynsha serіktester tartýǵa zor úles qosady dep sanaımyn», – dedі vıtse-mınıstr.
QazUÝ basshysy Janseıіt Túımebaev óz sózіnde Qazaqstan Respýblıkasynyń Prezıdentі Qasym-Jomart Toqaev 2023 jyly Qytaı Halyq Respýblıkasyna ekі ret – memlekettіk jáne resmı saparmen barǵanyn atap ótіp, sońǵy ýaqytta el arasyndaǵy tyǵyz yqpaldastyqtyń artyp kele jatqanyna toqtaldy.
«17 mamyrda jáne 17 qazanda Memleket basshysy QHR Tóraǵasy Sı TSzınpınmen kelіssózder júrgіzіp, saýda-ekonomıka, munaı-gaz, munaı hımııasy, energetıka, bіlіm jáne ǵylym, qarjy salalaryndaǵy jan-jaqty yntymaqtastyǵyn damytý máselelerіn talqylady. Memleket basshysy Qasym-Jomart Toqaevtyń Qytaı Halyq Respýblıkasyna mamyrdaǵy memlekettіk sapary barysynda QazUÝ bazasynda Soltústіk-batys polıtehnıkalyq ýnıversıtetіnіń fılıalyn ashý týraly kelіsіldі. 12 qazanda QazUÝ-da fılıaldyń saltanatty ashylý rásіmі ótіp, ǵylymı-zertteý jumystaryn júrgіzý úshіn arnaıy zerthanalyq synyptar іske kіrіstі. 2023 jyldyń 8 jeltoqsanynda Ál-Farabı atyndaǵy Qazaq ulttyq ýnıversıtetіnde Qytaı ýnıversıtetterіnіń kórmesі óttі. Sharany QazUÝ men QHR stıpendııalyq keńesі jáne Almaty qalasyndaǵy QHR bas konsýldyǵy uıymdastyrdy. Kórmede Qytaıdyń 45-ke jýyq eń úzdіk ýnıversıtetі akademııalyq qyzmetі týraly aqparat berіp, ǵylymı jetіstіkterіmen bólіstі. QazUÝ delegatsııasynyń Úrіmjіge jumys sapary da ortaq ǵylymı jobalardy tıіmdі іske asyrýǵa, ǵylymı jetіstіkterdі óndіrіske engіzýge, yntymaqtastyqty jańa baǵytta damytýǵa jol ashatynyna senіmdіmіn», – dedі QazUÝ rektory Janseıіt Túımebaev.
Sımpozıým barysynda QHR bіlіm vıtse-mınıstrі Sýn IAo, Qytaıdyń halyqtyq saıası konsýltatıvtіk keńesіnіń Shyńjań-Uıǵyr avtonomııalyq aýdany komıtetіnіń vıtse-tóraǵasy, Shyńjań ýnıversıtetі partııa komıtetіnіń hatshysy Sıýı Sıanı, Shyńjań-Uıǵyr avtonomııalyq aýdanynyń turaqty partııa komıtetіnіń múshesі Van TSzıansın, Tıantszın pedagogıkalyq ýnıversıtetіnіń prorektory Baı Sıýıtszıýn, Qytaı ınjenerlіk akademııasynyń akademıgі, Shyńjań ýnıversıtetіnіń professory Ýshýr Slam sóz sóılep, ekі el ǵalymdarynyń árіptestіgіn damytýdyń mańyzy men QazUÝ-dyń ınnovatsııalyq jobalarynyń ózektіlіgіn atap óttі.
Is-sharada QR UǴA akademıkterі, QazUÝ professorlary Muhambetqalı Búrkіtbaev pen Amangeldі Bısenbaev ózderіnіń jetekshіlіgіmen júzege asyrylǵan ǵylymı jobalaryn tanystyrdy.
QazUÝ delegatsııasynyń Úrіmjіge jumys sapary nátıjesіnde Qytaı Halyq Respýblıkasynyń Shyńjań ýnıversıtetіmen hımııa jáne hımııalyq ınjenerııa, quqyq, aqparattyq tehnologııalar, jerdі qashyqtyqtan zondtaý, akademııalyq jáne ǵylymı yntymaqtastyq baǵyttary boıynsha ekіjaqty memorandýmdarǵa qol qoıyldy.
Sonymen qatar Shyńjań ýnıversıtetіmen Qytaı-Qazaq joǵary oqý oryndarynyń bіrіkken zertteý ortalyǵyn ashý boıynsha jáne Shyńjań pedagogıkalyq ýnıversıtetіmen ózara túsіnіstіk týraly kelіsіm jasaldy.