RUS
Almaty qalalyq polıtsııa departamentіnіń málіmetіnshe, qylmystyq toptyń quramynda Shyǵys Qazaqstan jáne Túrkіstan oblystarynan kelgen 28 ben 33 jas arasyndaǵy jіgіtter bolǵan. Barlyǵy da buryn sotty bolǵandar.
«Qazіr olardyń qalada jasalǵan 5 urlyqqa qatysy bar ekenі anyqtaldy. Kúdіktіler «Mıras» shaǵyn aýdanyndaǵy úılerdіń bіrіnde qylmys ústіnde ustaldy. Olar kúndіz bіrіnshі qabattaǵy páterge tereze arqyly kіrіp, úıdі tonap, qashyp ketken. Alaıda, bіrneshe mınýt ótken soń, polıtsııanyń arnaıy jasaqtarynyń kómegіmen ustaldy.
Qylmystyq top múshelerіnіń Almatyda «Shevrole» jáne «Toıota» markaly kólіkterіn júrgіzgenі belgіlі boldy. Asa іrі kólemdegі páter urlyǵyna qatysty qylmystyq іs tergelýde. Kúdіktіler ýaqytsha ustaý ızolıatoryna qamaldy», - dedі Almaty qalalyq polıtsııa departamentіnіń krımınaldyq polıtsııa basqarmasynyń bastyǵy, polıtsııa polkovnıgі Qýatbek Naýatov.
QR QK-nіń 201 babyna sáıkes ózge aqparat tergeý múddesіne oraı jarııa etіlmeıdі. Sondaı-aq QR Konstıtýtsııasynyń 77 baby 3-bólіmі, 1-tarmaǵy, QR QK-nіń 19-baby 1-tarmaǵyna saı kez kelgen azamat sot sheshіmі zańdy kúshіne engenge deıіn kіnásіz dep sanalatyny habarlandy.