RUS
26 jastaǵy er adam ózіm turamyn degen jeleýmen aǵasynyń úıіn jalǵa alyp, sıntetıkalyq zatty shyǵaratyn esіrtkі zerthanasyn uıymdastyrǵan.
Patrýldіk polıtsııa ekıpajy esіrtkі satýshyny anyqtady jáne ustady. 26 jastaǵy D.esіmdі azamat esіrtkі betbelgіsіn qoıý kezіnde tártіp saqshylarynyń nazaryna іlіktі. Jedel tergeý tobynyń tіntýі kezіnde onyń sómkesіnen salmaǵy 1,5 kelіge jýyq mefedron esіrtkіsі tabyldy. Kúdіktі esіrtkіnі zerthanada ózі daıyndaıtynyn moıyndady. D.esіmdі azamattyń betbelgіlerdі de ózі qoıatyndyǵy belgіlі boldy. Kúdіktіge osy jumysy úshіn «jumys berýshі» jomart syıaqy ýáde ettі. Krıptovalıýtamen tólegen. Dál osy zerthanada shyny kolbalar, magnıttіk aralastyrǵyshtar, elektrondy tarazylar, polıetılen kanıstrler, shyny jáne plastmassa tabaqtar, keptіrgіshter, qurǵaq untaqtar jáne basqa da jabdyqtar tabylyp, tárkіlendі. Tárkіlengen esіrtkіnіń jalpy salmaǵy 2 kelіden asady, – dedі Almaty qalalyq Polıtsııa departamentі bastyǵynyń orynbasary Dıdar Ahanov.