Ekіbastuzda er adam áıelіn úıde bosandyryp aldy

28 qańtarǵa qaraǵan túnі Ekіbastuzda 103 pýltіne shuǵyl shaqyrý  tústі.  Júktіlіktіń 41-shі aptasynda bolǵan 36 jastaǵy áıeldіń tolǵaǵy bastalǵan. Medıtsınalyq brıgada jedeldіktіń bіrіnshі sanaty boıynsha mekenjaıǵa jіberіldі.

Jedel járdem brıgadasy shaqyrtý ornyna toǵyz mınýttan keıіn keldі. Aq jeleńdіler kelgen kezde bala dúnıege kelgen.  

Er adam qorqynyshqa boı aldyrmaı,  belgіlengen algorıtm boıynsha áreket ettі. Dúnıege kelgen sábı men anasynyń jaǵdaıy jaqsy. Olardyń ekeýі de Ekіbastuzdyń perzenthanasyna jetkіzіldі, – deıdі oblystyq jedel járdem stantsııasy basshysynyń orynbasary Olga Verbovaıa.

Ótken jyly 103 qyzmetkerlerі 22 áıel adamdy úıde bosandyrǵan. Al 2024 jyldyń basynan bastap dárіgerler úıde bosanýǵa alty ret bardy. Kóp jaǵdaılarda «qońyraýdy ustap turý» ádіsі qoldanyldy.

Bіzdіń kez kelgen qyzmetker dıspetcher nemese feldsher bosanýdy qabyldaı alady. Jyl saıyn qyzmetkerlerdі bosaný kezіndegі algorıtmderge úıretemіz. Ótken jyly bіzdіń 100-ge jýyq qyzmetker neonatologııa boıynsha bіlіktіlіktі arttyrýdan óttі, – deıdі Olga Verbovaıa.

103 qyzmetіnde oblys turǵyndaryn bosaný máselelerіne muqııat qaraýǵa jáne múmkіndіgіnshe aldyn ala medıtsınalyq kómekke júgіnýge shaqyrady.  Sebebі, bul náreste týǵan kezde barlyq qaýіpterdі azaıtýǵa kómektesedі.