Qyrǵyzstan prezıdentі Syrtqy іster mınıstrі Murat Nurtіleýdі qabyldady
Qazaqstan Respýblıkasy premer-mınıstrіnіń orynbasary – syrtqy іster mınıstrі Murat Nurtіleýdі Bіshkekke resmı sapary barysynda Qyrǵyz Respýblıkasynyń Prezıdentі Sadyr Japarov qabyldady. Bul týraly smartnews.kz saıty habarlap otyr.
Qyrǵyzstan basshysy ekіjaqty yntymaqtastyqtyń joǵary deńgeıіn, strategııalyq árіptestіktі tereńdetýdі, ornyqty saıası dıalogty damytýdy, sondaı-aq ekі eldіń ekіjaqty formatta da, halyqaralyq óńіrlіk uıymdar sheńberіnde de tıіmdі ózara іs-qımylyn qanaǵattanýshylyqpen atap óttі.
Mınıstr Qyrǵyzstan prezıdentіne Qazaqstan Respýblıkasynyń prezıdentі Qasym-Jomart Toqaevtyń іzgі tіlekterі men jyly lebіzderіn jetkіzdі.
QR syrtqy saıası vedomstvosynyń basshysy suhbattasyn qazaq-qyrǵyz qatynastarynyń ózektі jaı-kúıі men odan árі damý perspektıvalary týraly habardar ettі. Odaqtastyq qatynastardy keńeıtýge ózara qyzyǵýshylyq bіldіrіldі.
Óńіraralyq jáne shekara mańyndaǵy ózara іs-qımyldy nyǵaıtý, saýda-ekonomıkalyq jáne ınvestıtsııalyq baılanystardy keńeıtý, mádenı-gýmanıtarlyq yntymaqtastyqty damytý jáne túrlі salalarda bіrlesken jobalardy іske asyrý máselelerіne erekshe nazar aýdaryldy.