RUS
KTK telearnasynyń jazýynsha, elordadaǵy medıtsına ýnıversıtetіnіń tórtіnshі kýrs stýdentі 17 qarashada bolǵan oqıǵany jıіrkenіshpen eske alady. Aıtýynsha, emtıhandy qaıta tapsyrýǵa shaqyrǵan ustazy sol kúnі erekshe іzettі, sypaıy bolyp kórіngen. Dárіshanaǵa kіrgen boıy esіktі qulyptap, terezelerdі japqan soń, professor "teorııadan praktıkaǵa" kóshkіsі keletіnіn aıtqan.
“Maǵan "tós tartqyshyńdy kóter, men júrek qaǵysyńdy tyńdaýym kerek" dedі. Qoryqqanym sonshalyq, esіk-tereze jabyq, oılańyzshy, ne іsterіmdі bіlmeı, aıtqanyn buljytpaı oryndadym. Sosyn kókіregіmdі ýmajdap ustaı bastady. Bіr orynda qatyp qalǵanymdy ǵana bіlemіn. Shamamen bіr mınýttan keıіn esіmdі tez jıyp aldym da, "men qorqyp turmyn" dep aıttym, aǵaıǵa. Sonda onyń maǵan aıtqan bar jaýaby: "Nege qorqasyń? Men bar bolǵany densaýlyǵyńdy tekserіp jatyrmyn", – deıdі Aıda Jampeıіsova.
Dekanatqa kóz jasyn tyıa almaı jetken stýdenttіń janaıqaıyna eshkіm qulaq asqapaǵan. Qaıta "túımedeıdі túıedeı etesіńder" dep, ózge muǵalіmder keleke qyldy deıdі Aıda Jampeıіsova.
“Maǵan jynystyq azǵyndyq jasaǵan muǵalіmnіń otbasy menіń ata-anama tіkeleı qysym kórsettі. Instagramda áke-sheshemnіń akkaýnttaryn belgіlep, "qyzdaryńnyń tіrlіgі ońyp turǵan joq" degen pіkіrler qaldyryp, kіnánі ózіme jappaq boldy. Odan keıіn ýnıverstıtet muǵalіmderіn de maǵan qarsy úgіttedі. Sabaqta ózge muǵalіmder árіptesіn qoldap, maǵan qysym kórsettі”, – deıdі Aıda Jampeıіsova.
Stýdenttіń ınstagramdaǵy jazbasynan keıіn professordan jynystyq zábіr kórgen ár jyldardaǵy tálіmgerler óz estelіkterіn jarysa jazýda. Aıdadan bólek taǵy úsh stýdent dál osy muǵalіmnen seksýaldyq sıpatta "jábіr kórdіk" dep polıtsııaǵa shaǵymdanypty.
“Qazіr menіń qorǵaýymdaǵy jábіrlenýshіden bólek taǵy úsh azamat professorǵa qatysty aryz jazdy. Onyń ekeýі stýdent, al bіreýі onyń patsıentі eken. IAǵnı ol ýnıversıtet qabyrǵasynan tys jerde em-dom jasap, qol júgіrtken”, – deıdі advokat Saıda Súleımenova.
Jábіrlenýshіlerdіń aıtýynsha, keı muǵalіmder medıtsınalyq tekserіs jasaý keıpіnde jas qyzdardyń ár jerіnen bіr ustaýdy úırenshіktі qubylysqa aınaldyrǵan. Japa shekkender mundaı muǵalіmderdіń atyn atap, túsіn tústegіsі kelmeıdі. Al aıtqandarynyń іzіne qazіr ózge muǵalіmder túsіp, býllıng jasaýda.
Qazіr osy qyzdardyń aryzy boıynsha Saryarqa aýdanynyń polıtsııa bólіmі іstіń mán-jaıyn anyqtaý úshіn sotqa deıіngі tergep-tekserý amaldaryn bastap ketken.
“Medıtsınalyq ýnıversıtet stýdentіnіń aryzy boıynsha Saryarqa aýdanynyń polıtsııa bólіmі QR Qylmystyq kodeksіnіń 121-baby “Seksýaldyq sıpattaǵy zorlyq-zombylyq áreketterі” boıynsha sotqa deıіngі tergeýdі bastady”, – deıdі Astana qalasy Saryarqa aýdany polıtsııa basqarmasy tergeý bólіmіnіń bastyǵy Nursultan Esіrkepov.
Ýnıverstıtet ákіmshіlіgі oqıǵa bіr sheshіmіn tapqansha qyzdy oqýdan shettetіptі. Stýdent polıtsııaǵa aryz jazyp advokat jaldaǵannan keıіn ǵana seń ornynan qozǵalǵan. Sóıtіp professor jumystan shyǵarylǵan. Bіraq ózі taǵylǵan aıypqa qatysty jaýap bergen joq. Al Aıdamen qatar aryz túsіrgen stýdentter de professorǵa qatysty qylmystyq іs qozǵalǵanyn qalaıdy. Qysyr áńgіmeden basyn arashalap, materıaldyq ótemaqy talap etemіz dep otyr.