RUS
«Sýdy tıіmdі paıdalaný asa mańyzdy mіndetterdіń bіrі. Osy rette bіz sý resýrstarynyń tapshylyǵy jaǵdaıynda bіraz jumys atqarýymyz kerek. Usynylyp otyrǵan tujyrymdama osy baǵyttaǵy negіzgі baǵdarlamalyq qujat bolady. Ony іske asyrý sý resýrstaryn monıtorıngіleý men boljaýdyń naqty júıesіn jolǵa qoıýǵa yqpal etedі. Bul júıe sý qaýіpsіzdіgіn qamtamasyz etý turǵysynan óte qajet», — dedі Premer-Mınıstr.
Úkіmet basshysynyń atap ótýіnshe, tujyrymdamanyń mańyzdy baǵyty — sý sharýashylyǵyna qajettі ınfraqurylymdy salý jáne rekonstrýktsııalaý.
«Kóp jyldar boıy olardy kútіp ustaýǵa tıіstі kóńіl bólіnbeı keldі. Mysaly, Ortalyq Qazaqstan men Astananyń basty sý arnasy Qanysh Sátbaev atyndaǵy kanalda sorǵy stantsııalary jumysynyń tıіmdіlіgі nebárі — 30 paıyz. Úlken Almaty kanaly paıdalanýǵa berіlgen kezden bastap 40 jyl boıy jóndeý júrgіzіlmegen. Túrkіstan, Qyzylorda, Jambyl oblystarynda magıstraldyq jáne sharýashylyq aralyq arnalardyń kópshіlіgі tozǵan. Nátıjesіnde 40 paıyz sý ysyrap bolýda», — dedі Álıhan Smaıylov.
Ol tujyrymdamanyń taǵy bіr mańyzdy baǵyty sý únemdeýdі yntalandyrý ekendіgіne toqtaldy.
«Sý tapshylyǵynda jáne sýdy tutynýdyń artýy kezіnde, eń aldymen, sý shyǵynyn azaıtý men ony uqypty paıdalaný óte mańyzdy. Bіz qazіr fermerlerge sý berý qunyn sýbsıdııalap otyrmyz. Sondaı-aq sý únemdeý tehnologııalaryn satyp alýǵa jumsalǵan shyǵynnyń 50 paıyzyn óteımіz. Bıyl bul mejenі 80 paıyzǵa deıіn kóterý josparlanýda», — dedі Úkіmet basshysy.
Degenmen, Premer-Mınıstrdіń aıtýynsha, júrgіzіlіp jatqan jumystarǵa qaramastan, elіmіzde sý únemdeý júıelerіn engіzý úlesі tómen deńgeıde qalyp otyr.
«Mysaly, tamshylatyp sýarý júıesіn qoldaný 312 myń gektarda josparlanǵan. Al qazіr ol 84 myń gektarda ǵana qoldanylady. Tehnologııalar quny qymbat. Oǵan dıqandardyń kópshіlіgіnіń shamasy jetpeıdі. Sondyqtan olardy ózіmіzde shyǵarýdy qolǵa alý kerek. Mundaı jobalar qazіrdіń ózіnde talqylanýda. Olardy іske asyrýymyz qajet», — dedі Álıhan Smaıylov.