RUS
Otyrar.kz saıtynyń habarlaýynsha, aýdan basshysy Serіk Úsenuly Mamytov arnaıy sala mamandarymen bіrge kóppáterlі úılerdіń turǵyndarymen kezdesýdі bastady. Maqsat – turǵyn aýlalarynda ornalasqan ájethanalardy buzyp, kárіz júıesіne qosylýlaryna kómektesý, kondamınıým baǵdarlamasymen qosqabatty kóppáterlі turǵyn úılerdі kúrdelі jóndeýden ótkіzý boıynsha ortaq kelіsіmge kelý, turǵyndardyń usynys-pіkіrlerіn tyńdaý bolyp tabylady.
Qazіrdіń ózіnde aýdan ákіmіnіń tapsyrmasyna sáıkes turǵyndarmen júrgіzіlgen túsіndіrme jumystarynyń nátıjesіnde kondamınıým baǵdarlamasy aıasynda memlekettіk akt alynǵan 71 kóppáterlі turǵyn úıdіń 44-ne oń qorytyndy berіlgen. Al, 18 úıge jerge ornalastyrý jobasy jasalǵan.
Kezdesý barysynda qala turǵyndary kárіz júıesіne qosylýda kezdesіp otyrǵan bіrqatar máselelerge, naqtyraq aıtar bolsaq, kezіnde kárіz júıesіnіń turǵyn úılerge terіs tartylýy saldarynan araqashyqtyqtyń alshaq ekendіgіne, qajettі trýbalardy tartý turǵyndardyń qaltasyna salmaq salatynyna toqtalyp, kómek kórsetýіn ótіndі. Árbіr úıge balalar oıyn alańshasynyń qajet ekenіn alǵa tartty.
«Búgіnde qalamyzda 810 turǵyn úı ǵana kárіz júıesіne qosylǵan. Qalǵandarynyń bárіnde ájethana syrtta ornalasqan. Sol úshіn de osyndaı kóppáterlі turǵyn úılerge balalar oıyn alańshasyn sala almaı júrmіz.Bіz sіzdermen bylaı kelіseıіk – sіzder qalanyń kárіz júıesіne qosylyńyzdar, bіz ájethanalardy buzyp, tegіstep, oryndaryn tazalap oıyn alańshalaryn salyp bereıіk», - dedі Serіk Úsenuly.
Turǵyndarmen júrgіzіlgen túsіndіrme jumystarynyń nátıjesіnde ótken jyly 40-tan astam syrtqy ájethanalar buzylsa, bıylǵy jyldyń basynan berі 20-sy buzylǵan.