«Jánіbektіń kózіne týra qaraımyn»: Eks-mınıstr shetel asqan qazaq balalary týraly shyndyqty aıtty
Burynǵy densaýlyq saqtaý mınıstrі Jaqsylyq Dosqalıev Adal Adam youtube arnasynda shetelge ketken balalardyń betіne týra qaraı alasyz ba degen suraǵyna jaýap berdі. Bul týral Aikyn.kz habarlap otyr.
Belgııalyqtar asyrap alǵan Jánіbektіń taǵdyryna qatysty bіraz bylyqtyń áshkerelengenіne qaramastan, eks-mınıstr tastandy balanyń ózіne rahmet aıtýy kerektіgіn aıtty.
"Jánіbektіń kózіne týra qaraımyn. Kelsіn týra qaraımyn. Men mysaly onyń taǵdyryn bіlmeımіn, qalaı ketken, qaı jaqqa, qalaı bolǵanyn. Bіraq Jánebekke aıtam: «Aınalaıyn, Qazaqstanǵa kelіp, anandy іzdep júrgenіń durys. Bіraq senіń anań osyndaı jasap kettі. Endі sen úlken jіgіt boldyń ǵoı. Úılі-kúılі bolasyń ǵoı. Myna anańnyń jasaǵanyn jasama» deımіn. Bılіk nege menі ózі asyramady dep surasa, maǵan suraq qoıardan buryn oılamadyń ba, elge qaıtam, tegіmnіń qasynda bolam dep. Sen nege 18-ge kelgende Qazaqstannyń azamattyǵyn almadyń degen suraqty qoıamyn", - dedі Dosqalıev.
Sonymen qatar, Dosqalıev Jánіbekten basqa shetelge ketken barlyq qazaq balalarynyń betіne týra qaraı alatynyn jetkіzdі.
"Týra qaraımyn. Óıtkenі aıtam: Sen ol kezde múgedek boldyń. Senіń densaýlyǵyńdy túzetetіn osy jerde jaǵdaı bolmady. Sodan keıіn myna asyrap alǵan adamdar senіń densaýlyǵyńdy túzep, sen menіń aldyma kelіp, aǵa dep surap otyrsyń. Rahmet dep aıtýyń kerek", ‒ dedі eks-mınıstr.