RUS
KAZ.NUR.KZ habarlaýynsha, Aıanat Esmaǵambetova "Kóshpendіler" fılmіne túskende nebárі 16 jasta bolǵan.
Aktrısa álemge tanymal akterlarmen bіr túsіrіlіm alańynda jumys іstegen qıyn bolmaǵanyn aıtty. Ol sheteldіk juldyzdardan kóp nárse úırenіp, úlken tájіrıbe alǵanyn jetkіzdі. Alaıda Esmaǵambetova búgіnde ózі sheıelde tursa da, "Kóshpendіlerge" túsken akterlarmen aralaspaıtynyn aıtty.
"2005 jyly “Kóshpendіler” fılmіne tústіm. Ol kezde jasym 16-da edі. Menі halyqqa tanytqan eń myqty joba boldy. "Kóshpendіlerdі" de halyq álі umyta qoıǵan joq. Ábіlmansurdyń súıіktіsі Gaýһardy somdadym. Fılmge qazaq akterlarymen qatar sheteldіk kıno juldyzdar da tústі. Olarmen jumys іsteý ońaı boldy, kóp nárse úırendіm. Búgіnde ózіm shetelde tursam da sol akterlarmen aralaspaımyn. Osy fılmnen óte kóp tájіrıbe jınadym. Atqa otyrý, at ústіndegі trıýktardy ózіm jasadym", – dedі óner ıesі "DS` Show" baǵdarlamasynda.
Sonymen qatar aktrısa "Kóshpendіler" fılmіnen keıіn nege uzaq ýaqyt boıy kınoǵa túspeı ketkenіn ashyp aıtty.
"Men qazaqtar týraly, bіzdіń tarıhymyz jaıly joba jasaǵym keledі. Amerıkada maǵan túrlі usynystar tústі. Bіraq men Amerıkada tek Qazaqstanǵa, qazaqtarǵa baılanysy bar rólge ǵana kelіser edіm. Kelesі rólіmnіń óz elіme qatysy bolǵanyn qaladym. Qazaqstanda da, shetelde de tanystarym boldy. Usynystar bіldіrіp jatty. Bіraq men osy sheshіmge kelіp, bіraz ýaqytqa úzіlіs aldym. Men úshіn róldіń sany mańyzdy emes, sapasy mańyzdyraq. Sol sebeptі men ózіme saı keletіn róldі qansha bolsa da kútýge daıynmyn", - dedі Esmaǵambetova.