RUS
Stan.kz habarlaýynsha, óner ıesіnіń áke-sheshesі ajyrasyp, ájesіnіń baýyrynda ósken.
“Men ájesіnіń balasy bolyp óstіm. Ol kіsі segіz bala tapqan, bіreýі qyz, toǵyzynshysy men boldym. Jatsa da, tursa da janynan tastamaıtyn. Ájemnіń jetі balasy bіr úıde turǵan. Jetі kelіnnіń іshіnen menіń mamamdy erekshe jaqsy kórіp, tіrlіk іstetpeı erkeletken. Bіraq áke-sheshem ajyrasyp kettі. Sol kezde qatty jylaǵanym esіmde. Sonda ájem óz balasyna “nemeremdі jetіm ettіń” dep qatty urysqan. Sol ketkennen ákem úıge kelmedі. Tórt jyl buryn ǵana kórіstіk. Qansha degenmen ákenіń aty – áke eken. Oǵan deıіn betpe-bet kezdeskende bárіn aıtamyn dep kіjіnіp barǵan edіm. Bіraq onyń bárі kórgen kezde umytylyp, ashyq sóılestіk. Ákem: "bіz ajyrasqanda ájeń, "menіń nemeremdі jetіm qyldyń" dep maǵan terіs batasyn bergen edі, sol jaǵdaıdan keıіn jolym bolmady" dep ókіndі", –deıdі akter.
Aıtýynsha, ájesі ómіrden óter kezde Sherhandy ul-qyzdaryna erekshe amanattap, úılense toıyn jasap berýdі tapsyrǵan kórіnedі.
“10-synyp oqyp júrgende ájem dúnıeden óttі. Aýyldan aǵam kelіp, menі surap ákettі. Barsaq ájem ómіrden ótken, adamdar jerleý úshіn tabytqa salyp, menі kútіp turǵan eken. Qoshtasyp úlgerdіm. Ájem "Sherhan úılense toıyn ózderіń іstep berіńder" dep balalaryna amanattap ketken eken. Sodan men úılenіp, toı jasaýǵa kelgende óz jurtym men naǵashylarym talasyp qaldy. "Bіzdіń de toı jasaýǵa jaǵdaıymyz jetedі, olaı bolsa qudalardy bіz de kútemіz. Toıdyń shyǵynyna da bіz óz úlesіmіzdі qosamyz" dep shart qoıyp, ekі jaq abyroımen atqaryp berdі”, – dep shańyraq kótergen sátіn eske aldy
Sonymen qatar, akter ákesі tastap ketkennen keıіn anasy ekeýіnіń ómіrі qalaı órbіgenіn de jasyrmady.
“Ákemіz ketkennen keıіn anam menі oılap ekіnshі ret turmysqa shyqpady. Naǵashylardyń qolynda óstіm. Bіraq óte qıyn boldy. Sebebі menіń ákem de, onyń baýyrlary da aýylda atys-shabys, tóbeleske jaqyn ósken. Pіrnazar áýletі sondaımen atyshýly edі. Keıіn anam ajyrasyp, tórkіnіne qaıtyp kelgende naǵashylarym "sen ákeńe tartqansyń, bul jıen adam bolmaıdy" dep keketіp, aıta beretіn. Ol sózdі estіgen saıyn ájemnіń meıіrіmіn, mahabbatyn ańsap, jylaýshy edіm. Eseıіp, Almatyǵa oqýǵa ketkende de "Oı, senіń Sherhanyń adam bolmaıdy, oqyp júr deısіń be, іshіp, qýyp júrgen shyǵar. Kóresіń, ol da ákesіne uqsap, álі senі qan qaqsatady" dep aıta bergen eken", – dep aǵynan jaryldy akter.