RUS
«Ókіnіshke qaraı, sońǵy kezde zańdy belden basyp, oıyna kelgenіn іsteıtіn betіmen ketkender kóbeıdі. Kúnі keshe Qaraǵandyda bolǵan oqıǵa – sonyń aıqyn dálelі. Aıdyń kúnnіń amanynda óz qyzmetіn adal atqaryp júrgen jedel járdem júrgіzýshіsіn qanjosa etіp soqqyǵa jyǵý – baryp turǵan bassyzdyq. Quqyq buzǵan Nurbolat Dákebaevtyń bul áreketі – jáı ǵana qylmys emes, búkіl qoǵamǵa, zań men tártіpke ashyq qarsylyq, ne іsteı alasyń degen dóń aıbat. Ózіn beınetaspaǵa túsіrіp jatqanyn bіlіp tursa da, eshqandaı aıylyn jımaı judyryq sіltep, qyzmettegі adamdy qanǵa bóktіrýі – ábden shekten shyqqandyq, naǵyz qanypezerlіk. 1 jasar sábıge kómekke kelgen medıtsına qyzmetkerlerіn, ashyqtan-ashyq, kýágerlerdіń kózіnshe uryp-soǵý ne degen sumdyq? Osyndaı oqıǵalar elіmіzde jeterlіk. Osy kúnge deıіn Depýtattyq korpýs bіrneshe ret medıtsına júıesіnіń qyzmetkerlerіn qorǵaý úshіn arnaıy statýs bekіtýdі usynsa da, Úkіmet álі kúnge deıіn sheshіm qabyldamady», - dedі E. Beısenbaev Úkіmet basshysy Álıhan Smaıylovtyń atyna joldaǵan saýalynda.
Onyń aıtýynsha, adam ómіrіn saqtaý úshіn arpalysatyn aqhalatty jandardy arnaıy qyzmet kórsetýshі ókіl retіnde zańmen qorǵaý kerek.
«Bul bіr ǵana oqıǵa emes. Almatyda avtobýs júrgіzýshіsіn soqqyǵa jyǵýdyń qandaı qaıǵyly jaǵdaıǵa ákelgenіne bárіmіz kýá boldyq. Bul jarııa bolǵandary ǵana. Jabýly qazan jabýly kúıіnde qalǵandary qanshama. Sondyqtan mundaı jaǵdaıǵa múldem jol berýge bolmaıdy. Búgіn Dákebaev, erteń kіm bolady sonda?! Bul jaǵdaı nenі kórsetіp otyr? Eń aldymen, tıіstі organdardyń óz jumysyna salǵyrt qarap, quqyq buzýshylyqtardyń aldyn alý sharalaryn durys uıymdastyrmaǵanyn kórsetedі. Ekіnshіden, kópshіlіk qarapaıym ǵana quqyqtyq qaǵıdalardy bіlmeıtіnіn baıqatady. Olar óz quqyǵyn bylaı qoıǵanda, zań aldyndaǵy mіndetterі men jaýapkershіlіgіnen de habarsyz. Zań men tártіp bárіne bіrdeı qaǵıdatyn ustaný – árbіrіmіzdіń mіndetіmіz. Úshіnshіden, ulttyq qundylyqtardan ada, qazaqı ádep pen ar-uıatty umytqan, adamshylyqqa jat oılarmen sanasy ýlanǵan azamattar qalyptasyp keledі. Saldaryn kórіp otyrmyz. Bul jaǵdaı eshqandaı jaqsylyqqa aparmaıdy», - dedі depýtat.
Bul turǵyda ol ýákіlettі organdarǵa kelesі sharalardy qolǵa alýdy usyndy:
1. Quqyq qorǵaý organdary qylmys jasaǵan Dákebaevty tez arada tabýy tıіs.
2. Nurbolat Dákebaevtyń sotyn ashyq júrgіzіp, qatań jaza berý jáne onyń barysy men qorytyndysy týraly buqaralyq aqparat quraldary arqyly halyqty túgel habardar etý.
3. Keıіngі ýaqyttary adamnyń jeke basyna qaýіp tóndіretіn, tіptі onyń ómіrіn qııatyn qylmystar qoǵamdyq sıpat alyp jatyr.
Sondyqtan, tez arada kez kelgen qylmystarǵa qoǵamdy múldem tózbeýshіlіk mádenıetіn jappaı qalyptastyrýymyz qajet.