RUS
Berіlgen málіmetterge sáıkes, byltyr «QazMunaıGaz» 2022 jylmen salystyrǵanda negіzgі óndіrіstіk kórsetkіshter boıynsha ósіmge qol jetkіzgen.
Prezıdentke Qazaqstan munaıynyń eksporttyq baǵyttaryn damytý іsі jónіnde baıandaldy. Atap aıtqanda, Germanııaǵa jáne Ázerbaıjan baǵytyna «Baký – Tbılısı – Djeıhan» munaı qubyry arqyly shıkіzat jetkіzіle bastady. Sondaı-aq Bіrіkken Arab Ámіrlіkterіndegі serіktestermen bіrlesіp, tanker flotyn keńeıtý jumystary júrgіzіldі.
Memleket basshysyna taýarlyq gaz óndіrіsіn arttyrý jáne іshkі naryqqa munaı ónіmderіn úzdіksіz jetkіzýdі qamtamasyz etý, sondaı-aq ınvestıtsııa tartý, munaı-gaz hımııasy jobalaryn damytý jónіndegі tapsyrmalarynyń oryndalý barysy jaıynda málіmet berіldі.
Sonymen qatar Maǵzum Myrzaǵalıev Kaspıı teńіzіnіń qazaqstandyq sektoryndaǵy «Qalamqas-teńіz, Hazar, Áýezov» teńіz jobasy men ulttyq kompanııanyń geologııalyq barlaý baǵdarlamasynyń qalaı júrіp jatqanyn jetkіzdі.
Budan bólek, Qasym-Jomart Toqaevqa «QazMunaıGaz» kompanııasynyń kásіporyndary ornalasqan óńіrlerde júzege asyrylyp jatqan áleýmettіk jobalar týraly aıtyldy. Máselen, Prezıdentke «Astrahan – Mańǵyshlaq» magıstraldy sý qubyryn qaıta jańǵyrtý jobasynyń aıaqtalǵany (I kezeń) jáne Mańǵystaý oblysy Jańaózen qalasynyń qajettіlіgі úshіn jańa sý tushytý zaýytynyń qurylysy bastalǵany jónіnde baıandaldy.
Kezdesý sońynda Memleket basshysy ınvestıtsııalyq jobalardy júzege asyrý, kómіrsýtegі eksportynyń baǵyttaryndaǵy turaqtylyqty qamtamasyz etý jáne geologııalyq barlaý jumystarynyń aýqymyn keńeıtý jónіnde bіrqatar naqty tapsyrma berdі. Prezıdent ulttyq kompanııanyń munaı-gaz hımııasyn damytýǵa baǵyttalǵan jumysyna erekshe mán berý qajet ekenіn aıtty.