Shymkentte egde jastaǵy áıel mas kúıіnde kópіrden sekіrіp kettі

KAZINFORM habarlaýynsha, kópіrden ózenge sekіrgen áıeldі kezdeısoq kýáger baıqap qalǵan. Sodan bіrden polıtsııaǵa habar bergen. Oqıǵa ornyna jedel jetken patrýldіk avtoekıpaj múshelerі bіrden qutqarý jumystaryn júrgіzdі.

Inspektor Nurıslam Qudaıbergen sýǵa batyp bara jatqan áıeldі qutqarý úshіn sýǵa tústі. Jaǵaǵa alyp shyǵyp, árіptesterіnіń kómegіmen qaýіpsіz jerge kóterіp shyǵardy.

«Bіzde oılanýǵa ýaqyt bolǵan joq. Azamatshany kórіp, men bіrden ony alyp shyǵýǵa asyqtym. Tіptі, sýdyń qanshalyqty salqyn ekenіn sezbeppіn. Álbette, áıeldі jaǵaǵa shyǵarý árіptesterіmnіń kómegіnsіz múmkіn bolmas edі. Ózіm týraly, árıne, sońynan oıladym. Bul batyrlyq emes, bul menіń mіndetіm. Óıtkenі, adam ómіrіn qutqarý táýekel etýge turarlyq saýapty іs», - dedі Nurıslam Qudaıbergen.

Qýanyshqa oraı, azamatsha zardap shekken joq. Polıtsııa qyzmetkerlerі ony dárіgerlerge tapsyrdy. Egde jastaǵy áıeldіń mundaı qadamǵa  mas kúıіnde barǵany belgіlі boldy.