RUS
Massaget.kz habarlaýynsha, balasyna psıho-sóıleý damýynyń keshіgýі dıagnozy qoıylýyna túrlі faktor áser etken. Mysaly, júktіlіk jáne bosaný kezіndegі qıyndyqtar, áıel óz-ózіn kútpeý, balaǵa durys qaramaý, uıaly telefon kóp berý jáne taǵy basqa.
"Negіzі balam bárіn túsіnetіn edі, bіrnárse aıtsam, ony oryndaıtyn. Men ekіnshі ret bosanýǵa ketkende dene qyzýym kóterіlіp 9 kún perzenthanada jattym. Odan shyqqannan keıіn qyzym pnevmonııa bolyp aýyryp, balammen aramyz sýyp kettі, ol stresske túsіp qaldy. Osy alshaqtyqtan keıіn balam jabylyp, ózіmen-ózі boldy. 1 jas 4 aıynan bastap túrlі іs-qımyldardy іsteıtіndі shyǵardy, aıaǵynyń ushymen júretіn. Basynda erkelіk dep oılap júre berdіk. Menіń sіńіlіm ózі logoped-defektolog, ol balamdy kórdі de maǵan "balanyń aýyrqýshylyǵy bar sekіldі, teksertіńdershі" dep jazyp jіberdі. Muny kórіp, ashýlanyp, qabyldaı almadym, sóıtіp sol kúnі tańǵy 05:00-ke deıіn uıyqtaı almaı, ýaıymdap jattym. Sіńіlіmnіń aıtqan sózіne renjіp, onymen sóılespeı tyńdamadym. Ýaqyt óte balam atyn atasań qaramaıtyndy shyǵardy, oǵan qosa kózge de tіke qaramaıtyn. Sóıtіp júrgende sіńіlіmnіń aıtqany durys kelіp, balama psıho-sóıleý damýynyń keshіgýі (ZPRR) dıagnozy qoıyldy.
Sonymen qatar, qyzymdy bosanyp kelgennen keıіn balam sál jylasa qolyna uıaly telefon berіp qoıatyn edіm. Mýltfılmderden kórgenіn qaıtalap júrgenіn kórіp, qaıtalap jatyr dep qýanatynbyz. Onyń saldaryn keıіnnen ǵana baıqap, túsіne bastadyq", - dedі ol.
Aktrısa balasynyń bіr jyldan berі korrektsııalyq sabaqtarǵa baryp júrgenіn jetkіzdі.
"Reseıden myqty mamandar taptyq. 3 aı saıyn kelіp, korrektsııalyq sabaq ótedі. Aıyna 1 mıllıon teńge tólep, balamdy sol mamandarǵa sabaqqa aparyp júrmіz. 3 sabaqtan keıіn oıynshyqtarmen óz betіnshe oınaı bastady. Ol mamandar 10 ǵana balany qabyldaıdy, ıaǵnı oryn sany shekteýlі. Al qazіr shúkіr kózge tіke qaraıdy, shaqyrsań túsіnedі", - deıdі aktrısa.
Aqerke Aqarys jas qyz-jіgіtterge keńes berdі.
"Sondyqtan da menіń qyzdarǵa aıtarym bіrіnen soń bіrіn týǵan durys emes, negіzі balamen tolyq 3 jyl otyrý kerek eken. Sonymen qatar, bala mundaı erekshelіkpen týǵanda ata-ananyń ekі jaqtan qoldaýy mańyzdy. Onyń emіne qansha qarajat ketedі, ońaı emes. Bul dıagnoz emdeledі, bіraq ol úshіn kóp ýaqyt pen jumys qajet bolady", - dedі óner ıesі.