RUS
Nurlan Saýranbaev ulttyq kompanııa qyzmetіnіń 2023 jylǵy negіzgі nátıjesі jáne aldaǵy kezeńge arnalǵan jospary týraly esep berdі. Sońǵy úsh jylda «Qazaqstan temіr jolynyń» negіzgі óndіrіstіk kórsetkіshterіnde ósіm baıqalatynyn aıtty.
Byltyr júk aınalymy 7 paıyzǵa artyp, 270 mıllıard tonna-kılometrge jetken. Tranzıttіk tasymaldaý kólemі 18 paıyzǵa ulǵaıyp, 27 mıllıon tonnadan asqan. Nátıjesіnde kompanııanyń kіrіsі ótken jylmen salystyrǵanda 29,3 paıyzǵa ósіp, 1,9 trıllıon teńgenі quraǵan. Kompanııa 154 mıllıard teńge taza paıda tapqan. Bul 2022 jylmen salystyrǵanda tórt ese kóp árі kompanııanyń rekordtyq kórsetkіshі sanalady.
Dostyq – Moıynty, Almaty stantsııasyn aınalyp ótetіn temіrjol jelіsіn salý jáne basqa da іrі ınfraqurylymdyq jobalardyń іske asyrylýy týraly baıandady. Búgіngі tańda 350 shaqyrymnan astam jol tóselgen. Atalǵan jobalardyń іske qosylýy memleketaralyq túıіsý pýnktterіnіń ótkіzý qabіletіn arttyrady.
Sıan qalasyndaǵy qurǵaq portta júk termınalynyń qurylysy aıaqtalǵany jónіnde málіmet berdі. Qytaıdyń eń іrі logıstıkalyq habynda ornalasqan bul termınal elіmіzge qaraı júkterdіń turaqty tasymaldanýyn qamtamasyz etedі jáne otandyq eksporttaýshylar úshіn jańa ótkіzý naryqtaryna jol ashady.
Álemdіk Huawei, Wabtec jáne PSA sekіldі jetekshі kompanııalarmen bіrge «Aqyldy temіrjol» jobasyn júzege asyrý jumystary júrgіzіlіp jatqanyn jetkіzdі. Jańa sheshіmderdіń engіzіlýі temіrjoldyń ótkіzý qabіletіn ulǵaıtýǵa, otyn shyǵynyn azaıtýǵa jáne poıyzdardyń qaýіpsіzdіgіn arttyrýǵa múmkіndіk beredі.
Qasym-Jomart Toqaev kompanııanyń ınvestıtsııalyq jobalaryn іske asyrý mańyzdy ekenіn atap ótіp, elіmіzdіń kólіk-tranzıt áleýetіn damytý máselesіne basa nazar aýdardy.