RUS
«Memleket basshysynyń bastamalary bіrtіndep oryndalyp jatyr. Qasym-Jomart Toqaevtyń saılaý aldyndaǵy baǵdarlamasynda aıtylǵan negіzgі bastamanyń bіrі — «Ulttyq qor — balalarǵa» jobasy іs júzіnde júzege asyrylyp, balalarymyzdyń esep-shotyna Ulttyq qordan tólemder túse bastady. Qarajattyń tólený tásіlderі týraly Úkіmet pen Bіryńǵaı jınaqtaýshy zeınetaqy qorynyń ókіlderі egjeı-tegjeı túsіndіrdі. Aldaǵy ýaqytta bólіnetіn tólem Ulttyq qor aktıvterіnіń eselenýіne jáne qosymsha ınvestıtsııalyq tabystyń artýyna baılanysty ulǵaıatyn bolady», — dep jazdy Erlan Qarın Telegram arnasynda.
Sondaı-aq, Memlekettіk keńesshі Májіlіs keshe áıelderdіń quqyqtaryn jáne balalardyń qaýіpsіzdіgіn qamtamasyz etý máselelerі jónіndegі zań jobasyn jumysqa qabyldaǵanyn málіmdedі. Bul qujatty depýtattar turmystyq zorlyq-zombylyq jáne pedofılııa úshіn jaýapkershіlіktі kúsheıtý týraly Memleket basshysynyń bastamasyna sáıkes ázіrlegen bolatyn.