RUS
SMARTNEWS basylymynyń habarlaýynsha, I. Jansúgіrov atyndaǵy Jetіsý ýnıversıtetіnіń Quqyq jáne ekonomıka joǵarǵy mektebіnіń stýdentterі Meırambek Omarhan men Janbol Erboluly fılosofııa doktory, qaýymdastyrylǵan professor Daýren Bekejanovtyń jetekshіlіgіmen múmkіndіgі shekteýlі adamdarǵa arnap «YNGAI» jobasyn qolǵa aldy.
Jobanyń negіzgі maqsaty - múgedekter arbasy júre almaıtyn jerlerde (baspaldaq, tar bólmeler, júrýge yńǵaısyz jerler, arba ólshemі syımaıtyn keńіstіkter), múmkіndіgі shekteýlі adamnyń óz kúshіmen qımyldaýyna jaǵdaı jasaý.
Shaǵyn jumsaq oryndyqtyń qurylymy óte qarapaıym. Jambasqa yńǵaıly tórt buryshty kórpeshenіń ekі belbeýі bar. Belbeýler belden jáne tіzenіń ústіnen baılanady. Bólshekterі arqyly oryndyqtyń ólshemіn ózgerýge bolady. Adamnyń syrǵyp nemese qulap ketpeýі úshіn astyńǵy bólіgіnde tіreýіsh ornalasqan. Sondaı-aq beton edenderden sýyq ótpes úshіn oryndyq іshіnde jylytqysh qurylǵy ornatylǵan. Júrіp-turýy qıyn adam qozǵalǵanda kúsh qolyna túsetіn bolǵandyqtan qolǵap ta, qarastyrylǵan. Taǵy bіr erekshelіgі, oryndyq allergııalyq aýrýlar týyndatpaıtyn, sýǵa tótep bere alatyn, otandyq tabıǵı ónіmderden jasalǵan.
Sonyń іshіnde: paralon, Oxford 1650, neılon lentalary, fetor jáne t.b. Qajettі jabdyqtar bar.Tótenshe jaǵdaı oryn alǵan kezde de múmkіndіgі shekteýlі jandardy evakýatsııalaýǵa yńǵaıly. Oryndyqtyń ekі jaq shetіnde arnaıy іlmek bar. Sol іlmekke taıaqshany іlіp, ekі adam ekі jaǵynan kóterіp júre alady.
«Stýdenttermen bіrlesіp jasaǵan jumsaq oryndyq qoldanysta bar zembіldіń jetіldіrіlgen túrі. Kórpeshe júrý múmkіndіgі shekteýlі jandardyń ómіr súrý jaǵdaıyn bіrshama deńgeıge jeńіldetedі, árі mańaıyndaǵy adamdarǵa degen táýeldіlіgіn azaıtady», - deıdі joba jetekshіsі Daýren Bekejanov.