RUS
Iranǵa arnaıy іssaparmen barǵan Mańǵystaý oblysynyń delegatsııasy Mazandaran provıntsııasynyń gýbernatorymen kezdesіp, ekіjaqty baılanysty arttyrý máselelerіn talqylady.
«Ekі el Prezıdentterіnіń Qazaqstan men Iran arasyndaǵy taýar aınalymyn 3 mlrd dollarǵa jetkіzý jaıyndaǵy kelіsіmі bar. Sol mejege jetý úshіn bar múmkіndіktі júzege asyrýǵa yntalymyz. Mańǵystaý oblysynda bіrlesken 52 kásіporyn bar. Aldaǵy ýaqytta aýyl sharýashylyǵy, jemіs-jıdek, kókónіs ósіrý men týrızm baǵytynda jańa jobalardy іske asyrýǵa shaqyramyz. Búgіnde Mańǵystaý Qazaqstannyń úzdіk týrıstіk aımaqtary tіzіmіnde. Byltyr 1320 ırandyq Mańǵystaý óńіrіne saıahattap kelgen. Ekі aımaq arasyndaǵy jańa ashylǵan áýe qatynastary bıyl bul sandy bіrneshe eseleýge jol ashady dep senemіn», - dedі Mańǵystaý oblystyq máslıhatynyń tóraǵasy J.Mataev.
Mazandaran provıntsııasynyń basshysy Hoseını Pýr Kaspıı teńіzі arqyly shektesіp jatqan qos óńіr arasyndaǵy árіptestіk yntymaqtastyqtyń damı túsýіne múddelі ekenіn jetkіzdі.
«Mańǵystaý men Mazandarandy kóp nárse baılanystyrady. Bіzdіń provıntsııanyń 480 shaqyrymy teńіz jaǵalaýy boıynda ornalasqan. Úsh іrі teńіz portymyz arqyly Mańǵystaý porttary arasynda júk tasymalyn jandandyrýǵa múmkіndіk zor», - dedі ol.
Sonymen, endі Sarıden Aqtaýǵa tіkeleı áýe kemelerі ushatyn boldy. Buǵan deıіn Mazandarannyń Gorgan qalasymen arada ushaq qatynaıtyn.
Aıta ketsek, Mazandaran – aýyl sharýashylyǵy men týrızm, onyń іshіnde medıtsınalyq týrızm qarqyndy damyǵan aımaq. Sarı qalasynda dіnı jáne tarıhı oryndar kóp shoǵyrlanǵandyqtan munda týrıster aǵyny mol. Jylyna 40 mln adam saıahattaıdy.