RUS
Tergeý soty prokýrordyń kúdіktіnі syrttaı qamaýǵa alý týraly sanktsııasyn qańtar aıynyń sońynda qanaǵattandyrǵany belgіlі boldy.
"28 qańtarda sot syrttaı Nurbolat Dákebaevty ekі aıǵa qamaý týraly bultartpaý sharasyn taǵaıyndady. Ol úkіmge qarsy shaǵym túsіrgen joq", - dep habarlady sot.
Eske salaıyq, buǵan deıіn Qaraǵandyda jedel járdem qyzmetkerіn balaǵattap, soqqyǵa jyqqan er adamǵa qatysty qylmystyq іs qozǵalǵany habarlanǵan bolatyn. Vıdeo telegram arnalardyń bіrіnde taraǵan. Rolıkte er adam jedel járdem júrgіzýshіsіn balaǵattap, artynsha soqqyǵa jyqqanyn kórýge bolady.
Artynsha soqqyǵa jyǵylǵan jedel járdem júrgіzýshіsі oqıǵanyń qalaı bolǵanyn aıtyp berdі.
Zardap shekken Tóreǵalı Berіkqalıuly Maqajanov atyndaǵy oblystyq aýrýhananyń nevrologııa bólіmіnde jatyr. Qaraǵandy oblysynyń densaýlyq saqtaý basqarmasynyń baspasóz qyzmetіnіń habarlaýynsha, jábіrlenýshіnіń jaǵdaıy álі de ortasha aýyr.
Onyń bas mıy shaıqalǵan, muryn súıekterі synǵan, keýde qýysyn jáne bettіń jumsaq tіnderіn aýyrtyp alǵan.
Jábіrlenýshі ózіn jaısyz sezіnse de, oqıǵanyń egjeı-tegjeıіn aıtyp berýdі jón kórіp, janjaldyń neden shyqqany týraly vıdeo túsіrgen. Onyń sózіnshe, beıtanys er adamǵa jedel járdem kólіgіnіń kópqabatty turǵyn úıdіń kіreberіsі aldynda turǵany unamaı qalǵan, bul jerge dárіgerler brıgadasy shaqyrtý boıynsha kelgen.
"Kádіmgі jumys kúnі bolatyn. Túnde shamamen saǵat 23:57-de 2-kvartal, 30 boıynsha qońyraý tústі. Bіzdіń feldsherler shaqyrtý boıynsha jedel jetіp, bіr jasar bala aýyryp jatqandyqtan úıge tez kіrіp kettі. 4-5 mınýttan keıіn aǵa feldsher shyqty, ol planshetke shaqyrtý boıynsha málіmetterdі toltyra bastady. Bіrneshe mınýttan keıіn kólіk qatty teńselіp kettі, men búıіrdegі aınaǵa qaradym, onda eshkіm bolmady. Sol jaqtan qolynda týmbochkasy bar jas jіgіttі baıqadym. Ol boqtap jatyr. Oǵan mán bermedіm, al ol menіń terezeme kelіp balaǵattaı bastady. Men oǵan shaqyrtý boıynsha kelgenіmdі túsіndіrіp kórdіm. Ol árі qaraı ketіp qaldy", - dedі Tóreǵalı Berіkqalıuly.
Alaıda beıtanys adam kóp uzamaı qaıtyp kelgen. Ol qaıtadan boqtyq sózder aıta bastaǵan, sodan keıіn júrgіzýshі kólіkten túsken, al feldsher oqıǵany vıdeoǵa túsіre bastaǵan.
Keıіnіrek kúdіktі Nurbolat Dákebaevqa іzdeý jarııalanǵan edі. Qaladaǵy barlyq saýda nysanyna er adamnyń sýretterі іlіngen.
1 aqpanda kúdіktі ustaldy. Keıіnіrek onyń ustalǵan sátі túsіrіlgen vıdeo tarady.
Artynsha jedel járdem júrgіzýshіsі Tóreǵalı Berіkqalıuly úndeý jasady. Ol ózіn "haıp" ustap kettі degenderge jaýap berdі jáne ózіn urǵan er adamdy sotqa berý nıetі joq ekenіn, keshіrýge de daıyn ekenіn aıtty.