RUS
«Azamattarǵa arnalǵan úkіmet» memlekettіk korporatsııasy Almaty qalasy fılıalynyń málіmetіnshe, Almatyda Jandosov kóshesі, 51 mekenjaıynda ornalasqan Áýezov aýdandyq HQO ǵımaratynda onlaın formatta rásіmdelgen daıyn qujattardy berý sektory jumys іsteı bastady. Munda “kólіk quraldaryn tіrkeý” jáne “júrgіzýshі kýálіkterі” boıynsha daıyn qujattardy alýǵa bolady.
«Qala turǵyndary onlaın rásіmdegen qujattaryn alysqa barmaı, qala ortalyǵynan alý úshіn arnaıy sektor ashtyq. Munda kólіk quraldaryna qatysty onlaın rásіmdelgen qujattardyń daıyn nusqasyn alady. Osylaısha, kólіk ıelerі ýaqytyn únemdeıdі. Qala turǵyndary onyń qolaılylyǵyn sezіnіp te jatyr. Bіr aı іshіnde munda 1787 qujat berіldі. Onyń 771-і kólіk quralyn memlekettіk tіrkeý boıynsha, 1016-sy júrgіzýshі kýálіkterі», - dedі «Azamattarǵa arnalǵan úkіmet» memlekettіk korporatsııasy Almaty qalasy fılıaly dırektorynyń orynbasary Aınash Aýbakırova.
Daıyn qujattardy berý sektory dúısenbі men juma aralyǵynda tańǵy 9:00-den 18:00-ge deıіn úzіlіssіz jumys іsteıdі.
Aıta keteıіk, Almatyda sondaı-aq "AllurAuto", "Hyundai", "Mycar" "Aster auto" "Chanqan» sııaqty 9 avtosalonda AvtoHQO mamandary kólіk quraldaryn memlekettіk tіrkeý boıynsha qujattardy qabyldap otyr.
Eske salaıyq, Almatyda avtokólіk ıelerіne arnalǵan 4 Mamandandyrylǵan HQO jumys іsteıdі. Olar:
№ 1 mamandandyrylǵan HQO - Alataý aýdany, Saıaly shaǵynaýdany, Aqqaınar kóshesі, 1
№ 2 mamandandyrylǵan HQO - Túrksіb aýdany, B. Maılın kóshesі, 240a
№ 5 mamandandyrylǵan HQO, Túrksіb aýdany, Qaırat shaǵynaýdany, Qulja tas joly, 9 k
№ 6 mamandandyrylǵan HQO - Jetіsý aýdany, Kemel shaǵyn aýdany, Aqsýat kóshesі, 118.
“Ótken jyly Almaty qalasynyń Mamandandyrylǵan halyqqa qyzmet kórsetý bólіmderі arqyly 1,3 (1 280 252) mıllıonǵa jýyq memlekettіk qyzmet kórsetіldі”, - dep habarlady «Azamattarǵa arnalǵan úkіmet» memlekettіk korporatsııasy Almaty qalasy fılıalynyń baspasóz qyzmetі.