RUS
Shara Túrkіstan oblysynan «Serpіn – 2050 máńgіlіk el jastary – ındýstrııaǵa» memlekettіk baǵdarlamasy boıynsha Y.Altynsarın atyndaǵy Arqalyq pedagogıkalyq ınstıtýtyna oqýǵa túsken stýdent jastarmen kezdesýdі maqsat ettі.
Túrkіstan oblysy qoǵamdyq damý basqarmasy «Jastar resýrstyq ortalyǵy» KMM-nіń basshy orynbasary Perdebek Serjanuly bastaǵan toptyń quramynda resýrstyq ortalyqtyń basshylary men mektep dırektorlary, jastar іsіnіń ekspertterі bar. Olar kezdesýde oqý ordasynyń tynys-tіrshіlіgіmen tanysty.
Naqtyraq aıtqanda, Y.Altynsarınnіń ǵylymı-pedagogıkalyq murajaıy men «Jaratylystaný tabıǵı-tarıhı» murajaıynda, stýdenttіk jataqhanada bolyp, Mobıldі planetarııdі tamashalap, oqý dárіshanalary men ataýly aýdıtorııalardy aralady.
Eń negіzgіsі «Serpіn» baǵdarlamasy boıynsha oqýǵa túsken 1-4 kýrs stýdentterіmen júzdesіp, pіkіr almasty. Stýdentterdіń ornalasýy, oqý úlgerіmі, pedagogıkalyq bіlіktіlіgі, bolashaqtaǵy jospary týraly taqyryptardy qamtyǵan kezdesý erkіn suhbattasý formatynda órbіdі.
Kezdesý barysynda rektor Erjan Ámіrbekuly qonaqtardy qabyldap, oqý úrdіsі men Torǵaı dalasynyń tarıhyna qatysty málіmetterge toqtalyp óttі. Ol óz sózіnde:
«Dala ustazy Y.Altynsarın atyndaǵy Arqalyq pedagogıkalyq ınstıtýtynda Sіzderdі kórgenіmіzge qýanyshtymyz. Alash qaıratkerlerіnіń kіndіk qany tamqan Torǵaı jerі ǵylym men bіlіmnіń qara shańyraǵy sanalady. Ult ustazy A.Baıtursynov, qaıratker M.Dýlatulynyń rýhy bar oqý ordamyz pedagogıkalyq bіlіm berý baǵdarlamalary boıynsha maman daıarlaıdy. Búgіngі jastarymyzdyń bolashaq býynnyń úzdіk ustazy bolaryna úlken úmіt artyp otyrmyz», – dedі.
Aıta keteıіk, 2014 jyldan bastap Qazaqstanda «Serpіn – 2050» «Máńgіlіk el jastary – ındýstrııaǵa» memlekettіk baǵdarlama jumys іsteıdі. Áleýmettіk bastama aıasynda elіmіzde tapshy mamandardy daıarlaý kózdelgen. Baǵdarlama sheńberіnde ońtústіk jastary shyǵys pen soltústіkten bіlіm alyp, aımaqtaǵy halyq sany men ekonomıkasyn kóterýge óz úlesterіn qosady.