RUS
Áleýmettіk jelіde Saryaǵash aýdanynda muǵalіmder men oqýshylardyń jappaı ýlanǵandyǵy jaıynda aqparat tarady. Onda Maılyqoja atyndaǵy №9 mektepte júrgіzіlgen árleý jumystarynan soń, sabaqqa kelgen 100-den astam oqýshy men 10-ǵa jýyq muǵalіm ýlanyp, dárіgerlerge júgіngenі jazylǵan.
Al, atalǵan jaǵdaıǵa baılanysty aqparat taratqan Túrkіstan oblysy bіlіm basqarmasynyń baspasóz qyzmetі másele baqylaýǵa alynǵandyǵyn málіmdedі.
«Dúısenbі kúnі oqýshylar men muǵalіmder mektepke kelgennen keıіn ózderіn jaısyz sezіnіp, mektep medbıkesі alǵashqy kómek kórsetken. Jedel járdem shaqyryp 29 bala, 10 muǵalіmdі aýrýhanaǵa tekserýge alyp barǵan. Aýrýhanaǵa alyp ketken barlyq 29 oqýshy, 8 muǵalіmnіń jaǵdaıy bіrqalypty bolǵannan keıіn, úılerіne qaıtaryldy. Qalǵan 2 ustaz aýrýhanada.
Oqýshylar aldaǵy 3 kúnde qashyqtyqta bіlіm alatyndyǵy týraly sheshіm qabyldandy.
Oqýshylar men muǵalіmderdіń qaýіpsіzdіgі qatań baqylaýda», - delіngen vedomstva tarapynan usynylǵan aqparatta.
Túrkіstan oblysy bіlіm basqarmasynyń basshysy Ǵalymjan Sultanbekuly búgіn Saryaǵash aýdanyna arnaıy baryp, mektep ujymymen jáne ata-analarmen kezdestі. Ekі jaqtyń ýájderіn tyńdap, máselenіń turaqty baqylaýda bolatyndyǵyn jetkіzdі.
Sondaı-aq, qazіr aýdandyq prokýratýra men sanıtarııalyq-epıdemıologııalyq baqylaý basqarmasy tarapynan tergep tekserý jumystary júrgіzіlіp jatyr. Nátıjesіne sáıkes, mektep dırektoryna jáne jaýapty orynbasarlaryna tıіstі sharalar kórіlmek.