RUS
Kórmede tarıhı eskertkіshtertegі kýfı jazýymen jazylǵan 50-den asa kartına jáne XIII ǵasyrda jazylǵan tarıhı tulǵalardyń ómіrderekterі men XVIII ǵasyrda qaǵazǵa túsken Orta Azııadaǵy túrkі halyqtarynyń kóshbasshylary jaıly «Zobdat-ýl-tarıh» qoljazba kóshіrmelerі bar.
Qoljazbalar jáne sırek kіtaptar ulttyq ortalyǵynyń dırektory Jandos Bekdіldáulynyń aıtýynsha kórmege Irannyń eń myqty kallıgraftary men restavratorlary kelgen.
Is-shara aıasynda Irannan arnaıy shaqyrylǵan mamandar men qazaqstandyq arhıv, kіtaphana, mýzeı jáne ǵylymı ortalyqtardyń restavratorlary kóne qoljazbalar men sırek kіtaptardy katalogtaý, júıeleý, tsıfrlyq júıege kóshіrý, qalpyna keltіrý jáne kallıgrafııa ónerі boıynsha tájіrıbe almasady.
Irandyq mamandar qoljazbalar men baspa іsіn restavratsııa jasaý іsіnde ozyq tájіrıbege baı. Kórmege qoıylǵan tarıhı-mádenı eskertkіshterden alynǵan kóne jazýlar úlgіsі men qoljazba kóshіrmelerі restavratorlardyń joıyla bastaǵan muralardy qaıta jańǵyrtqan tańdaýly jumystary, - dep Iran Islam Respýblıkasynyń Qazaqstandaǵy Tótenshe jáne ókіlettі elshіsі Alı Akbar Djoýkar atap óttі.
Aıta keteıіk, QR Mádenıet jáne aqparat mınıstrlіgі Arhıv, qujattama jáne kіtap іsі komıtetіnіń Qoljazbalar jáne sırek kіtaptar ulttyq ortalyǵy men Iran Islam Respýblıkasynyń Qazaqstandaǵy elshіlіgі uıymdastyrǵan іs-sharalar túrlі taqyryptar aıasynda apta boıy jalǵasady.