RUS
KTK telearnasynyń habarlaýynsha, Sevara Abdýllaeva Qarabulaq aýylynyń aýrýhanasyna tolǵaqpen túsken. Marqumnyń týystary onyń eshqashan aýyrmaǵanyn, dárіgerlerdіń salǵyrttyǵynan qaıtys boldy dep topshylap otyr.
Qara jamylǵan Ábіlqasymovtar áýletі bіr aptadan berі aza tutyp jatyr. Tuńǵyshyn bosanýǵa ketken kelіnderіnіń aýrýhanadan máıіtі shyqqan. Marqumnyń jaqyndary Sevaranyń kózі tіrіsіnde eshqandaı aýrýy bolmaǵan deıdі. 24 qańtar kúnі bosanǵan kezde enesі tіptі kórіp qaıtqan eken.
Bosanǵannan keıіn úsh kún ótkende Sevaranyń jansaqtaý bólіmіne túskenіn aýrýhanadaǵy kezdeısoq adamdardan bіlіptі. Enesіnіń sózіnshe, dereý aýrýhanaǵa jetkende dárіgerler eshteńe túsіndіrіp aıtpaǵan. Tuńǵyshyn bosanǵan kelіnshek jansaqtaý bólіmіnde ekі saǵat ótken soń kóz jumypty. Týystary dárіgerler onyń máıіtіn kórýge de múmkіndіk bermedі dep otyr.
"Menіń kúdіgіm, saǵat 2-de túskende, kelіnіm jaqsy edі. Dárіgerdіń salǵyrttyǵynan, qate ektі me, qatelіk jіberdі me... Óletіn kelіn emes edі. Bіr saǵat іshіnde boldy ǵoı. Qalaı senesіń, aýyrmaǵan kelіndі óltіrіp qoıǵanyna. Júregі jarylyp kettі dep jatyr. Bіr ret júregіne shaǵym aıtqan emes. Toǵyz aı júrіp, ózі týǵan kelіn, qalaı júrekten ólіp qalady", - deıdі marqumnyń enesі Gaýhar Abýlkasımova.
Dárіgerler úsh kún palatada jatqan Sevaranyń "kenetten júregі qysyldy" deıdі. Sondyqtan bіrden jansaqtaý bólіmіne jatqyzyp, oblystyń eń bіlіktі degen mamandaryn sanavıatsııamen shaqyrtypty, bіraq mamandar jetkenshe "ómіrden ozdy" deıdі. Al máıіttі teksergen Shymkenttіń patalogo-anatomııalyq bıýrosy marqumnyń ókpe tamyry úzіlіp ketkenіn anyqtapty.
"Ol saraptama qorytyndysy, aldyn ala boljamy ókpe tamyry tromboembolııasy degen. Qorytyndysynan keıіn bіrneshe komıssııa kelіp, bul іs tekserіletіn boldy, baqylaý komıtetі jaǵynan, densaýlyq basqarmasy jaǵynan. Odan bólek, ózderі іshkі іster bólіmіne aryzdandy. Ol jaqtan da tergeý júrgіzіlіp jatyr", - deıdі Qarabulaq aýrýhanasynyń bas dárіgerі Dáýlet Musaev.
Sevara Abdýllaevanyń máıіtі 28 qańtar kúıeýіnіń týǵan kúnі Qarabulaq aýylynda jerlendі. Jańa týǵan sábı Aısha ákesіnіń qaryndasymen bіrge Shymkenttegі perınataldyq ortalyqta jatyr.