RUS
«Úkіmettіń otstavkaǵa ketýі keshegі kúnnіń tarıhy, ony qaýzaı berýdіń qajetі joq. Ótken jyly men Álıhan Smaıylovtyń Úkіmet basshysy bolýyna qarsy daýys bergem. Á.Smaıylov jaqsy jіgіt bolǵanymen, ol premerlіk fýnktsııany atqarýǵa shamasy jetpedі. Otstavkaǵa ketken Úkіmet qymbatshylyqty aýyzdaqtaı almady, kedeıshіlіkke qarsy úkіmettіk baǵdarlama jasaı almady. Ol Úkіmet órt sóndіrý qyzmetіn atqardy, qaı jerde órt, qaıda apat — sonyń jaýabymen ǵana aınalysty. Eldіń kúrdelі ekonomıkalyq jaǵdaıynda otstavkaǵa ketken Úkіmet ózіne júktelgen mіndetterdі atqara almady», - dedі Ermurat Bápı.
Odan bólek, depýtat jańa Úkіmet basshysy retіnde «Amanat» partııasy usynǵan Oljas Bektenovtіń kandıdatýrasyn qoldaıtynyn aıtty.
«Negіzі menіń joramalymda Oljas Bektenovtіń kandıdatýrasy joq edі. Bul turǵyda men Prezıdenttіń kózqarasynan alshaqtaý bolǵan ekenmіn. Qazіr oılap otyrsam, ótpelі kezeńde atalǵan kandıdatýra qajet. Qazіr eldіń bıýdjetі defıtsıt jaǵdaıda, onyń ústіne qazynany ınvestıtsııa quıýmen toltyrý bolmaıtyn nárse, óıtkenі ol ústeme paıyzben qaıtarylatyn dúnıe. Menіń oıymsha, bıýdjettі toltyrýdyń ádіsіnіń bіrі el іshіnde jáne shetel asqan aktıvterdі qaıtarý. Men oılaımyn, Oljas Bektenov Úkіmet basyna kelse, Prezıdent aldymen zańsyz ketken aktıvterdі qaıtarýdy mіndetteıdі. Árıne, O.Bektenov buǵan deıіn ákіm ne mınıstr bolmaǵan, bіraq ol Prezıdent ákіmshіlіgіn basqaryp, bіr jyldyń іshіnde onyń kókke órleýі qustyń samǵaýyndaı boldy. Odan bólek, sybaılas jemqorlyqpen kúres agenttіgіnіń tóraǵasy boldy, demek zańsyz shetel asqan qarajat, sybaılas jemqorlyqpen kúres taqyryby oǵan tańsyq emes», - deıdі ol.
Onyń aıtýynsha, urlanǵan aktıvterdі qaıtaryp, el ekonomıkasyna jumsaý qajet.
«Árıne, jańa Premer-Mınıstrdіń kіm bolatynyn tústen keıіngі jıynda bіletіn bolamyz. Prezıdent te óz pіkіrіn aıtatyn shyǵar», - dep qorytyndylady halyq qalaýlysy.